காலையில் எழுந்தவுடன் சுடச்சுட ஒரு கப் தேனீரும், அதோடு தொட்டுச் சாப்பிட மொறுமொறுப்பான பிஸ்கட் அல்லது க்ரீம் பாவ் சாப்பிடுவதும் நம் ஊரில் பலருக்கும் தவிர்க்க முடியாத ஒரு அன்றாட பழக்கமாகவே மாறிவிட்டது.

நாவிற்கு ருசியாகவும், வயிறார சாப்பிடும் திருப்தியையும் தரும் இந்த பேக்கரி பண்டங்கள் உண்மையில் எந்தச் சூழலில் தயாரிக்கப்படுகின்றன என்பதைப் பற்றிய விழிப்புணர்வு நம்மிடம் எந்த அளவுக்கு இருக்கிறது என்பது மிகப்பெரிய கேள்விக்குறிதான்.

சமீபத்தில் சமூக வலைதளங்களில் காட்டுத்தீ போல பரவி வரும் ஒரு அதிர்ச்சி வீடியோ, நாம் அன்றாடம் ஆசையோடு வாங்கி உண்ணும் உணவுப் பொருட்களின் பின்னணியில் இருக்கும் கொடூரமான சுகாதாரச் சீர்கேட்டை அப்பட்டமாக வெளிச்சத்திற்கு கொண்டு வந்துள்ளது.

வைரலாகி வரும் அந்த வீடியோவில், பேக்கரி ஒன்றில் க்ரீம் பாவ் தயாரிக்கும் இடம் மிகவும் அருவருக்கத்தக்க வகையில், சுகாதாரமற்ற சூழலில் காட்சியளிக்கிறது. சுவர்கள் எங்கும் படிந்துள்ள அழுக்குகள், தரையில் சிதறிக்கிடக்கும் கழிவுகள், மற்றும் தயாரிப்புப் பணியில் ஈடுபட்டுள்ள தொழிலாளர்கள் எவ்வித அடிப்படை சுகாதார விதிமுறைகளையும் பின்பற்றாமல் அழுக்கு கரங்களால் உணவைக் கையாளும் காட்சிகள் காண்போரை நிலைகுலையச் செய்கின்றன.

மேலும் ருசியான உணவு என்ற பெயரில் நாம் தினமும் எத்தகைய கிருமிகளையும் நோய்களையும் விலைகொடுத்து வாங்கி உடலுக்குள் அனுப்புகிறோம் என்பதை இந்த ஒரு வீடியோ பார்த்தவுடனேயே தெள்ளத்தெளிவாகப் புரிந்து கொள்ள முடிகிறது. இந்த அதிர்ச்சி வீடியோ இணையத்தில் வெளியானதைத் தொடர்ந்து, சமூக வலைதளப் பயனர்கள் பலரும் தங்களது கடுமையான கண்டனங்களையும் கொந்தளிப்பையும் பதிவு செய்து வருகின்றனர்.

உணவு பாதுகாப்பு மற்றும் தரக்கட்டுப்பாட்டுத் துறையினர் இதுபோன்ற சுகாதாரமற்ற உணவகங்கள் மற்றும் தயாரிப்புக் கூடங்கள் மீது உடனடி அதிரடி நடவடிக்கை எடுக்க வேண்டும் என்றும், பொதுமக்களின் உயிரோடு விளையாடும் நபர் மீது கடுமையான சட்டப் பிரிவுகளின் கீழ் வழக்குப்பதிவு செய்ய வேண்டும் என்றும் கோரிக்கைகள் வலுத்து வருகின்றன.

இந்நிலையில் நமது அன்றாட உணவுப் பழக்கத்தில் சற்று விழிப்புணர்வோடு இல்லாவிட்டால், சுவைக்கு அடிமையாகி நோய்களை நாமே தேடிக்கொள்ளும் அவலம் ஏற்படும் என்பதை இந்தச் சம்பவம் நமக்கு மீண்டும் ஒருமுறை நினைவூட்டுகிறது.

“>