சமீபத்தில் சமூக வலைதளங்களில் வைரலாகி வரும் வீடியோ ஒன்றில், இந்திய அணியின் முன்னாள் அதிரடி வீரர் யுவராஜ் சிங், விக்கெட் கீப்பர் பேட்டர் சஞ்சு சாம்சனுக்கு வலைப்பயிற்சியின் போது தீவிரமாக பேட்டிங் நுணுக்கங்களைக் கற்றுக்கொடுக்கும் காட்சிகள் இடம்பெற்றுள்ளன.

மேலும் ஏற்கனவே ஷுப்மன் கில் மற்றும் அபிஷேக் சர்மா ஆகியோரை தனது வழிகாட்டுதலில் மெருகேற்றிய யுவராஜ், இப்போது சஞ்சு சாம்சனுக்கு கால் அசைவுகள் மற்றும் பந்தை அடிக்கும் விதம் குறித்து ஆலோசனைகளை வழங்கி வருகிறார்.

“>

டி20 உலகக்கோப்பை 2026 நெருங்கி வரும் வேளையில், இந்திய அணியின் எதிர்கால நட்சத்திரங்களை உருவாக்குவதில் யுவராஜ் சிங்கின் பங்கு மிகவும் முக்கியத்துவமாகப் பார்க்கப்படுகிறது. யுவராஜ் சிங்கின் இந்த வழிகாட்டுதலால் சஞ்சு சாம்சனின் ஆட்டத்தில் பெரும் மாற்றம் ஏற்படும் என அவரது ரசிகர்கள் மிகுந்த எதிர்பார்ப்புடன் உள்ளனர்.

இது குறிப்பாக, ஷுப்மன் கில் மற்றும் அபிஷேக் சர்மா ஆகியோர் யுவராஜின் பயிற்சியால் சர்வதேச கிரிக்கெட்டில் முத்திரை பதித்ததைப் போல, சாம்சனும் தனது சிறப்பான ஆட்டத்தை வெளிப்படுத்தி இந்திய அணிக்கு வெற்றிகளைப் பெற்றுத் தருவார் என நம்பப்படுகிறது. இளம் வீரர்களைத் தேடித்தேடி அவர்களுக்குப் பயிற்சி அளிக்கும் யுவராஜ் சிங்கின் இந்த செயல் கிரிக்கெட் ஆர்வலர்களிடையே பெரும் வரவேற்பைப் பெற்றுள்ளது.