இலங்கையில் பசுமையான நெல் வயல்வெளிகளுக்கு இடையே, சிறுமி ஒருத்தி முள்ளம்பன்றி  ஒன்றுடன் மிக நெருக்கமாக உலா வரும் மனதைக் கவரும் வீடியோ சமூக வலைத்தளங்களில் வெளியாகி ஒட்டுமொத்த இணையவாசிகளின் கவனத்தையும் ஈர்த்துள்ளது. பொதுவாக முள்ளம்பன்றிகள் மனிதர்களைக் கண்டால் அச்சப்பட்டு ஓடக்கூடியவை அல்லது தற்காப்பிற்காகத் தங்கள் உடலில் உள்ள கூர்மையான முட்களை சிலிர்த்துக் கொண்டு தாக்க முற்படுபவை ஆகும்.

ஆனால், இந்த வீடியோவில் அந்தச் சிறுமி நடந்து செல்ல, அவளுக்குப் பின்னாடியே அந்த முள்ளம்பன்றியும் எவ்வித பயமும் இன்றி ஒரு வளர்ப்புப் பிராணியைப் போல மிகவும் பாசத்துடன் பின்தொடர்ந்து செல்கிறது. இயற்கையோடு இயைந்த இந்த அதிசயக் காட்சி, பார்ப்பவர்களைப் பிரமிப்பில் ஆழ்த்தியுள்ளது. விலங்குகளிடம் காட்டும் உண்மையான அன்பிற்கு மொழி தேவையில்லை என்பதை உணர்த்தும் இந்த நெகிழ்ச்சியான காட்சியைப் பார்த்த நெட்டிசன்கள், அந்தச் சிறுமியை “நிஜ உலக டிஸ்னி இளவரசி”  என்று வர்ணித்துத் தங்களது லைக்குகளைக் குவித்து வருகின்றனர்.

கார்ட்டூன் படங்களில் வரும் இளவரசிகள் விலங்குகளுடன் சகஜமாகப் பழகுவதைப் போலவே இந்தச் சிறுமியின் செயலும் இருப்பதாகப் பலரும் தங்களது கருத்துக்களைப் பகிர்ந்து வருகின்றனர். தற்காலத்தில் இயற்கையையும் விலங்குகளையும் விட்டு மனிதர்கள் விலகிச் சென்று கொண்டிருக்கும் வேளையில், விலங்கினங்களுக்கும் மனிதர்களுக்கும் இடையே இருக்கும் இத்தகைய தூய்மையான பாசப்பிணைப்பை வெளிப்படுத்தும் இந்த வீடியோ இணையத்தில் தொடர்ந்து லட்சக்கணக்கான வியூஸ்களைப் பெற்று வைரலாகி வருகிறது.