பள்ளிப் பேருந்துக்கான கட்டணச் சீட்டை தொலைத்துவிட்ட சிறுவன் ஒருவன், பயந்து ஓடிஒளியாமல் தனது நண்பனுடன் நேராகக் காவல் நிலையத்திற்குச் சென்று “எனது எஃப்.ஐ.ஆர்-ஐ பதிவு செய்யுங்கள்” என்று மழலை மொழியில் தைரியமாகக் கேட்ட சம்பவம், அங்கிருந்த காவல் அதிகாரிகளையும் பொதுமக்களையும் வியப்பில் ஆழ்த்தியுள்ளது.
பொதுவாகக் காவல் நிலையத்தைக் கண்டாலே முதியவர்கள் முதற்கொண்டு அனைவரும் அச்சப்படும் சூழலில், இவ்வளவு சிறிய வயதில் ஒரு சிறுவன் சட்ட விழிப்புணர்வுடனும் துணிச்சலுடனும் காவல் நிலையத்தின் கதவுகளைத் தட்டியுள்ளது அனைவரையும் ஆச்சரியத்தில் ஆழ்த்தியுள்ளது.
பள்ளி முடிந்து வீட்டிற்குத் திரும்பும் வழியில் தனது பேருந்துப் பாஸ் தவறவிட்டதை உணர்ந்த அந்த சிறுவன், வீட்டிற்குச் சென்றால் பெற்றோர் கண்டிப்பார்கள் என்ற அச்சத்திலும், அதைவிடப் பிரச்சனையைச் சட்டப்பூர்வமாக அணுக வேண்டும் என்ற எண்ணத்திலும் தனது நண்பனை அழைத்துக்கொண்டு நேரடியாக அருகில் உள்ள காவல் நிலையத்திற்குச் சென்றுள்ளான்.
அங்குப் பணியில் இருந்த காவல் அதிகாரியிடம் எவ்வித தயக்கமுமின்றி நடந்த சம்பவத்தைக் கூறி, பாஸ் தொலைந்தது குறித்து உடனடியாக வழக்குப்பதிவு செய்து அதைத் தேடிக் கண்டுபிடிக்க உதவி செய்யுமாறு கெஞ்சலாகவும் கம்பீரமாகவும் கேட்டுக்கொண்டுள்ளான்.
சிறுவனின் இந்த அபாரத் துணிச்சலையும், அவனது மழலை கலந்த தைரியமான பேச்சுப் பேச்சையும் கண்டு வியந்துபோன காவல்துறையினர், அவனுக்கு ஆறுதல் கூறி இனிமையாக வரவேற்றனர். அவனது புகாரைப் பொறுமையேகக் கேட்டறிந்த அதிகாரிகள், அவனது பெற்றோரைத் தொடர்புகொண்டு விபரத்தைக் கூறி வரவழைத்தனர்.
சிறுவனின் இந்த முதிர்ச்சியான மற்றும் தைரியமான நடவடிக்கையைப் பாராட்டிய காவல்துறையினர், அவனுக்கு அறிவுரைகளை வழங்கி பெற்றோருடன் அனுப்பி வைத்தனர். இந்த சுவாரஸ்யமான சம்பவம் தற்போது சமூக வலைதளங்களில் பரவி பலரின் பாராட்டுகளையும் பெற்று வருகிறது.
