பாதுகாப்பற்ற சாலைகளில் பயணம் செய்வதே பெரும் சோதனையாக இருக்கும் போது, அத்தகைய சாலைகளுக்காக மக்கள் டோல் கட்டணம் செலுத்த வேண்டிய நிலை இன்னும் கொடுமையானதாகவே அமைகிறது.

இந்நிலையில், கேரளாவின் பல பகுதிகளில் சென்று கொண்டிருக்கும் தேசிய நெடுஞ்சாலை எண் 544 (NH-544) மிக மோசமான நிலையில் இருப்பதாக மக்களிடமிருந்து புகார்கள் எழுந்தன. குறிப்பாக, தடுமாற்றமூட்டும் குழிகள், பராமரிப்பு இல்லாத நிலை, மற்றும் வாகனங்களுக்கு ஏற்படும் சேதங்கள் ஆகியவை மக்கள் கடும் வேதனையை வெளிப்படுத்தும் வகையில் இருந்தது.

இந்த நிலையில் வழக்கு தாக்கல் செய்யப்பட்டதை தொடர்ந்து, சாலையின் தரம் மிகவும் மோசமாக உள்ளதால் அதற்கு டோல் வசூலிக்கக் கூடாது என உச்ச நீதிமன்றம் தீர்ப்பு வழங்கியுள்ளது. தேசிய நெடுஞ்சாலை ஆணையம் (NHAI) தரமான சாலை வசதியை மக்களுக்கு ஏற்படுத்தி தருவது அவசியம் எனவும், அந்த உத்தரவுடன் நியாயமான சேவைக்கே கட்டணம் வசூலிக்க முடியும் எனவும் நீதிமன்றம் தெளிவாக கூறியுள்ளது. இந்த தீர்ப்பு, நாடெங்கும் சாலையின் தரமின்றி கட்டணம் வசூலிக்கும் பிரச்சனைகளுக்கு எதிரான முக்கியமான எடுத்துக்காட்டாக அமைகிறது.