மும்பை நகரம் பருவமழையின் கடும் தாக்கத்தால் மீண்டும் சிரமங்களைச் சந்தித்து வருகிறது. இந்திய வானிலை ஆய்வு மையம் அடுத்த நான்கு நாட்களுக்கு கனமழை முதல் மிக கனமழை வரை பெய்யும் என எச்சரித்த நிலையில், ஏற்கனவே சாலைகளில் தண்ணீர் தேங்கல், போக்குவரத்து நெரிசல், ரயில்வே பாதிப்பு போன்ற சவால்கள் நகரவாசிகளைப் பெரும் சிரமத்திற்கு உள்ளாக்கியுள்ளது.

ஆகஸ்ட் 19 காலை முதல் கனமழை பெய்ததால் வெள்ளத்தில் மூழ்கிய சாலைகள், வழிந்தோடும் ரயில்கள், தாமதமான போக்குவரத்து போன்ற பிரச்சனைகள் அன்றாட வாழ்வை பாதித்துள்ளன.

 

View this post on Instagram

 

A post shared by Aryan Kataria (@katariaaryann)

“>

இந்நிலையில், மக்கள் தங்களின் சிரமங்களை நகைச்சுவையாக வெளிப்படுத்த சமூக வலைதளங்களைத் தளமாகக் கொண்டுள்ளனர். அலுவலகங்களுக்கு செல்வதற்காக முழங்கால் அளவிலான சேற்றுப் பாதைகளில் போராடும் ஊழியர்களை ஒலிம்பிக் நீச்சல் வீரர்களுடன் ஒப்பிடும் மீம்ஸ்கள், படகுகளாக மாறும் ஆட்டோக்களை கிண்டல் செய்யும் பதிவுகள், மின்வெட்டு மற்றும் வைஃபை பிரச்சனைகளை சிரிப்புடன் பகிரும் “வொர்க் ஃப்ரம் ஹோம்” கார்ப்பரேட் ரீல்கள் ஆகியவை பெரும் வரவேற்பைப் பெற்றுள்ளன.

 

View this post on Instagram

 

A post shared by Lit Memes Mumbai (@litmemesmumbai)

“>

“மும்பை ரெய்ன் அப்டேட்ஸ்” என கூகுள் தேடல்கள் அதிகரித்து வரும் நிலையில், ட்விட்டர், இன்ஸ்டாகிராம், வாட்ஸ்அப் போன்ற தளங்களில் சிரிப்பை கிளப்பும் ஒன்-லைனர்கள், வீடியோக்கள் மற்றும் வைரல் ரீல்கள் நிரம்பி வழிகின்றன.

மழை சவால்களால் அலைமோதும் நகரத்தில், மீம்ஸ்களே ஒரு வகை மழைக்கோடாக மாறி, அன்றாட சிரமங்களை சிரிப்பான தருணங்களாக மாற்றி மக்களின் மன அழுத்தத்தை குறைத்து வருகின்றன.

“>