கரூரில்  தவெக கூட்ட நெரிசல் சம்பவம் தொடர்ந்து பரபரப்பாக உள்ள நிலையில், தமிழக  வெற்றிக்  கழக முன்னணி தலைவர்களில் ஒருவரான ஆதவ் அர்ஜுனா செய்தியாளர்களை இன்று சந்தித்தார்.

அவர் பேசியதில், “திருச்சி, அரியலூர், நாமக்கல் பகுதிகளில் மிகச் சிறப்பாக கூட்டங்கள் நடைபெற்றன. கரூரிலும் அதே போன்று சிறப்பான ஏற்பாடுகளுடன் நிகழ்ச்சி நடத்தப்பட்டது. முக்கியமாக, அங்கே காவல்துறையே எங்களை வரவேற்று, ஒத்துழைத்தது குறிப்பிடத்தக்கது” என்றார்.

மேலும், “விஜய் தாமதமாக வந்தார் என சிலர் கூறுகிறார்கள். ஆனால் நிகழ்ச்சியின் நேரடி ஒளிபரப்பை அனைத்து ஊடகங்களுக்கும் வழங்கியிருந்தோம். அதில், விஜய் நிகழ்வில் பங்கேற்ற நேரம் தெளிவாக காணப்படுகின்றது.

கரூரில் வழங்கப்பட்ட இடம் எங்கள் கூட்டத்திற்கேற்ப அசௌகரியமானதாகவும், இடத்தின் கட்டுப்பாடுகள் குறித்து எங்களிடம் அழுத்தம் வைக்கப்பட்டதாகவும் கூறி, அதற்கான ஆதாரங்களை நாங்கள் நீதிமன்றத்தில் சமர்ப்பிக்க உள்ளோம்” எனவும் ஆதவ் அர்ஜுனா தெரிவித்துள்ளார். இந்த அறிக்கைகள், தவெக தரப்பில் நிலவும் குற்றச்சாட்டுகளுக்கு பதிலளிக்கும் வகையில் வெளியிடப்பட்டுள்ளன.

“>