சென்னை அடுத்த கானத்தூரில், கார் ஓட்டுநராகப் பணியாற்றி வரும் பார்த்திபன் என்பவர், தனது பக்கத்து வீட்டில் வசித்து வந்த சுசில் மற்றும் கிரிஜா தம்பதியைச் சரமாரியாக வெட்டிக் கொலை செய்த சம்பவம் அப்பகுதியில் பெரும் பதற்றத்தை ஏற்படுத்தியுள்ளது. சுசிலுக்கும் பார்த்திபனின் மனைவிக்கும் இடையே தகாத உறவு இருந்ததாகக் கூறப்படுகிறது. இது ஒருபுறமிருக்க, இரு வீடுகளுக்கும் இடையே வாகனம் நிறுத்துவது தொடர்பாக ஏற்கனவே சில நாட்களாகத் தகராறு நீடித்து வந்துள்ளது.
இந்த விவகாரத்தில் கடும் ஆத்திரத்தில் இருந்த பார்த்திபன், இன்று திடீரென சுசில் மற்றும் அவரது மனைவி கிரிஜாவை வழிமறித்துக் கத்தியால் சரமாரியாகத் தாக்கினார். இதில் ரத்த வெள்ளத்தில் சரிந்த தம்பதியினர் சம்பவ இடத்திலேயே பரிதாபமாக உயிரிழந்தனர். தகவலறிந்து வந்த கானத்தூர் போலீசார், பார்த்திபனை கைது செய்து விசாரணை நடத்தி வருகின்றனர். ஒரு கார் ஓட்டுநர் ஆத்திரத்தில் தம்பதியையே வெட்டிக் கொன்ற சம்பவம் சென்னையில் பெரும் பரபரப்பை ஏற்படுத்தியுள்ளது.
