“தமிழக அரசியல் களம் தற்பொழுது ஆளுங்கட்சியான தவெக மற்றும் பிரதான எதிர்க்கட்சியான திமுக இடையே கடுமையான விவாதப் போர்க்களமாக மாறியுள்ளது.

தவெக அமைச்சரின் தொடர் விமர்சனங்களுக்குப் பதிலடி கொடுக்கும் வகையில் செய்தியாளர்களைச் சந்தித்த திமுக அமைப்புச் செயலாளர் ஆர்.எஸ்.பாரதி, தவெகவிற்கு எதிராக அதிரடியான ‘மீசை சவால்’ ஒன்றை முன்வைத்துள்ளார்.

‘வரவிருக்கும் உள்ளாட்சித் தேர்தலில் ஒரே ஒரு மேயர் இடத்தில் ஆவது தவெக வெற்றி பெற்றால், நான் எனது ஒரு பக்க மீசையை எடுத்துக் கொள்கிறேன்’ என ஆர்.எஸ்.பாரதி சவால் விடுத்துள்ளார். மேலும், திமுக தலைவர் மு.க.ஸ்டாலினுக்கோ அல்லது துணை முதல்வர் உதயநிதி ஸ்டாலினுக்கோ சவால் விடும் தகுதி தவெக அமைச்சர் ஆதவ் அர்ஜுனாவுக்குக் கிடையாது என சாடிய அவர், எதிர்காலத்தில் தவெக தலைவர் விஜய் அவர்களுக்கு ஏதேனும் அரசியல் ரீதியான ஆபத்துகள் அல்லது பின்னடைவுகள் வருகிறது என்றால், அதற்கு ஆதவ் அர்ஜுனா மட்டுமே முழு முதற்காரணமாக இருப்பார் என்றும் எச்சரித்துள்ளார்.

உள்ளாட்சித் தேர்தல் களம் சூடுபிடித்துள்ள வேளையில், திமுகவின் இந்த ஆக்ரோஷமான நேரடி சவால் ஒட்டுமொத்த கோட்டை மற்றும் அறிவாலய வட்டாரங்களை அதிர வைத்துள்ளது.”