தீயணைப்புத் துறையின் ஆணையத் தலைவராகப் பணியாற்றி வந்த ஐபிஎஸ் அதிகாரி சங்கர் ஜிவால் தனது பதவியை ராஜினாமா செய்துள்ளார். கடந்த ஆண்டு செப்டம்பர் மாதம் உருவாக்கப்பட்ட இந்த ஆணையத்தின் முதல் தலைவராக நியமிக்கப்பட்ட அவர், பதவியேற்று ஒன்பது மாதங்களுக்குள்ளேயே ராஜினாமா செய்தது அரசியல் மற்றும் காவல் வட்டாரத்தில் பெரும் அதிர்ச்சியை ஏற்படுத்தியுள்ளது.
சங்கர் ஜிவால் மட்டுமின்றி, இந்த ஆணையத்தில் அங்கம் வகித்த மூன்று உறுப்பினர்களும் தங்கள் பதவியை ராஜினாமா செய்துள்ளனர். ஆணையத்தின் தலைவர் மற்றும் உறுப்பினர்கள் என அனைவரும் அடுத்தடுத்து விலகியிருப்பது, அந்தத் துறையில் நிலவும் சூழல் குறித்தும், நிர்வாக ரீதியான முடிவுகள் குறித்தும் பல்வேறு சந்தேகங்களை எழுப்பியுள்ளது.
