தமிழ் திரையுலகில் முன்னணி இயக்குனராக வலம் வரும் எச்.வினோத், சமீபத்திய நேர்காணல் ஒன்றில் தமிழக முதலமைச்சர் விஜய் குறித்துப் பேசியுள்ள கருத்துக்கள் தற்போது சமூக வலைத்தளங்களில் பயங்கரமாக வைரலாகி வருகின்றன. சினிமா துறையில் இருந்து அரசியல் களம் புகுந்து, இன்று தமிழகத்தின் முதலமைச்சராக அரியணையில் அமர்ந்திருக்கும் ஜோசப் விஜயின் இந்த அசாத்திய அரசியல் வளர்ச்சியைப் பார்த்து, வியப்பின் உச்சத்திற்கே சென்று அக்மார்க் உண்மைகளை அவர் ஓப்பனாகப் பகிர்ந்துள்ளார்.
நேர்காணலில் பேசிய இயக்குனர் எச்.வினோத், “விஜய் சார் தமிழ்நாட்டின் முதலமைச்சராவார் என்று அவர் அரசியல் கட்சி தொடங்கிய தொடக்க காலத்தில் யாருமே சொல்லவில்லை; ஏன், தனிப்பட்ட முறையில் நானும் கூட அப்போது அப்படி நினைக்கவில்லை. ஆனால், இன்று நடந்துள்ள இந்த அரசியல் மாற்றம் எனக்கு உண்மையிலேயே ஒரு கனவு போல இருக்கிறது” என்று தனது பிரம்மிப்பை வெளிப்படுத்தியுள்ளார்.
மேலும், தமிழக அரசியல் களத்தில் பலமான கட்சிகளுக்கு மத்தியில் தவெக என்ற புதிய கட்சியைத் தொடங்கி, தேர்தலில் அவர் பெற்ற இந்த இமாலய வெற்றி என்பது சாதாரண விஷயம் அல்ல, அது ஒரு பயங்கரமான விஷயம் என்று வினோத் சுட்டிக்காட்டியுள்ளார். “விஜய் சாருக்குள் இருக்கும் அந்த அரசியல் ஆளுமையையும் அவரது அசாத்திய மக்கள் சக்தியையும் நாம் ஆரம்பத்தில் மிகக் குறைவாகவே மதிப்பிட்டிருக்கிறோம்” என்று அவர் பேசியுள்ள வார்த்தைகள், தவெக தொண்டர்கள் மத்தியில் பெரும் உற்சாகத்தை ஏற்படுத்தியுள்ளது.
