மதிமுக (MDMK) பொதுச்செயலாளர் வைகோ, அமெரிக்க முன்னாள் அதிபர் பராக் ஒபாமாவுடன் தற்போதைய தமிழக முதலமைச்சர் விஜய்யை ஒப்பிட்டுப் பேசியுள்ள அதிரடிப் பேச்சு, தமிழக அரசியல் களம் மற்றும் இணைய வட்டாரத்தில் மிகப்பெரிய புயலையும் சலசலப்பையும் கிளப்பியுள்ளது.

உலக அளவில் நடந்துள்ள அரசியல் நிகழ்வுகளைச் சுட்டிக்காட்டி மேடையில் பேசிய வைகோ, “பொதுவாக உலகில் உள்ள அனைத்துப் பெரிய உலகத் தலைவர்களும் தங்களது பதவியேற்பு விழாவின் போது, அவர்களுக்குக் கொடுக்கப்பட்ட உரையை (Oath Text) பேப்பரில் பார்த்துப் பார்த்துத்தான் வாசிப்பார்கள்; ஆனால், அமெரிக்க முன்னாள் அதிபர் ஒபாமாவும், நம்ம ஊர் முதல்வர் விஜய்யும் மட்டும்தான் பேப்பரைக் கையில் பார்க்காமல் மிகவும் துணிச்சலாகப் பதவியேற்றுக் கொண்டனர்” என்று ஒரு  வரலாற்று ரகசியத்தை உடைத்துள்ளார்.

மேலும் இதில் சுவாரசியமான ட்விஸ்ட் என்னவென்றால், அமெரிக்க அதிபராக ஒபாமா பதவியேற்ற போது பேப்பரைப் பார்க்காமல் பேசியதால் இடையில் 2 முக்கிய வார்த்தைகளை மறந்துவிட்டதாகவும், இதன் காரணமாக அவர் மீண்டும் ஒருமுறை முறைப்படி பதவியேற்கும் நிலை ஏற்பட்டதாகவும் வைகோ சுட்டிக்காட்டியுள்ளார்.

ஆனால், தமிழக வெற்றிக் கழகத்தின் தலைவரான முதல்வர் விஜய், தற்பொழுது பதவியேற்ற போது எவ்விதப் பேப்பரையும் பார்க்காமல், ஒரு சிறிய தவறு கூட இல்லாமல் மிகத் துல்லியமாகவும், கம்பீரமாகவும் தனது பதவியேற்பு உறுதிமொழியை எடுத்துக்கொண்டார் என்று வைகோ உச்சி முகர்ந்து பாராட்டியுள்ளார்.

உலகப் புகழ்பெற்ற வல்லரசு நாட்டின் அதிபர் ஒபாமாவுக்கே வராத அசாத்தியத் துல்லியம் நம்ம ஊர் முதல்வர் விஜய்க்கு வந்துள்ளது என்று வைகோ பெருமிதத்தோடு ஒப்பிட்டுப் பேசியுள்ள இந்த மாஸ் ஒப்பிடு தற்பொழுது சோசியல் மீடியா ஏரியாக்களிலும் காட்டுத்தீயாய் பரவி, “வைகோ சொன்னது நிஜமாவே ஒரு செம ஹிஸ்டாரிக்கல் கம்பேரிசன் தான்!” என்று நெட்டிசன்கள் மற்றும் பொதுமக்கள் மத்தியில் கண்கள் விரியும் கமெண்ட்டுகளுடன் இணையத்தில் பயங்கரமாக ட்ரெண்டாகி வருகிறது.