யு19 உலகக்கோப்பை கிரிக்கெட் இறுதிப்போட்டியில் இங்கிலாந்து அணியை வீழ்த்தி இந்திய அணி சாம்பியன் பட்டம் வென்றது. இதில் வெறும் 14 வயதான வைபவ் சூர்யவன்ஷி, 175 ரன்களை விளாசி ஆட்டநாயகன் மற்றும் தொடர் நாயகன் விருதுகளை வென்று சாதனை படைத்தார்.

24 பந்துகளில் 24 ரன்கள் என்று நிதானமாகத் தொடங்கிய அவர், அடுத்த சில நிமிடங்களிலேயே அதிரடியாக ஆடி 55 பந்துகளில் சதத்தை எட்டி ஜாம்பவான் வீரர்களையே வியப்பில் ஆழ்த்தினார்.

மகனின் இந்த இமாலய வெற்றி குறித்துப் பேசிய தந்தை சஞ்சீவ், “வைபவ் இந்திய டெஸ்ட் அணிக்காக விளையாடும் வரை அவரை ஒரு பெரிய வீரராக நான் ஏற்றுக்கொள்ள மாட்டேன்” என்று உறுதியாகத் தெரிவித்துள்ளார்.

டி20 போட்டிகளில் அதிக வருமானமும் புகழும் கிடைக்கும் சூழலிலும், தனது மகன் பாரம்பரியமான டெஸ்ட் கிரிக்கெட்டில் சாதிக்க வேண்டும் என்பதே அவரது லட்சியமாக உள்ளது. இந்த வெற்றி ஒரு தொடக்கம் மட்டுமே என்றும், முறையான டெஸ்ட் கிரிக்கெட் வீரராக அவர் உருவெடுப்பதே உண்மையான பெருமை என்றும் அவர் நெகிழ்ச்சியுடன் குறிப்பிட்டுள்ளார்.