இன்றைய இயந்திரத்தனமான உலகில், மனிதநேயம் குறைந்து வரும் சூழலில், ஒரு சாதாரண ஈ-ரிக்ஷா ஓட்டுநரின் செயல் பலரது நெஞ்சங்களையும் நெகிழ வைத்துள்ளது. வயதான தம்பதி ஒருவர் வெயிலில் நடந்து செல்வதைக் கண்ட அந்த ஓட்டுநர், அவர்களைத் தனது ரிக்ஷாவில் அன்புடன் ஏற்றி, அவர்கள் கையில் பணம் இல்லை என்று கூறியபோதும் தயங்காமல் அழைத்துச் சென்றார்.
வழிநெடுகிலும் அந்தத் தம்பதியின் தாகத்தைத் தணிக்க, தனது சொந்தப் பணத்தில் அவர்களுக்குக் குளிர்பானம் வாங்கிக் கொடுத்து, அவர்கள் கேட்ட இடத்திலேயே பாதுகாப்பாக இறக்கிவிட்டார். பணம் இருப்பவர்களே உதவத் தயங்கும் இந்த காலத்தில், வறுமையிலும் ஒரு சிறந்த மனிதராக அவர் செயல்பட்ட விதம் பாராட்டுக்குரியது.
இந்த நிகழ்வு சமூக வலைதளங்களில் வைரலாகி வரும் நிலையில், நெட்டிசன்கள் பலரும் அந்த ஓட்டுநரின் பெரிய மனதைப் பாராட்டி வருகின்றனர். “உதவி செய்யப் பெரிய கோடீஸ்வரராக இருக்க வேண்டிய அவசியமில்லை, பெரிய மனம் இருந்தால் போதும்” என்ற கருத்தை இந்த வீடியோ உணர்த்துகிறது.
View this post on Instagram
“>
@fahimautowala என்ற இன்ஸ்டாகிராம் பக்கத்தில் பகிரப்பட்டுள்ள இந்த வீடியோ, கோடிக்கணக்கான மக்களிடையே மனிதநேயம் இன்னும் குறையவில்லை என்பதை மீண்டும் ஒருமுறை நிரூபித்துள்ளது. இத்தகைய சிறிய செயல்கள் மற்றவர்களுக்கும் ஊக்கமளிக்கும் என்பதில் ஐயமில்லை.
