“தமிழக ரேஷன் கடைகளில் தரம் மற்றும் எடையை உறுதி செய்யும் வகையில், தமிழக வெற்றிக் கழக  அரசு ஒரு வரலாற்றுச் சிறப்புமிக்க அதிரடித் திட்டத்தைக் கையில் எடுத்துள்ளது ஒட்டுமொத்த பொதுமக்களையும் மகிழ்ச்சியில் ஆழ்த்தியுள்ளது.

ரேஷன் கடைகளில் பொருட்கள் கடத்தப்படுவது, தரம் குறைந்த பொருட்களைக் கலப்பது மற்றும் எடையில் கை வைப்பது போன்ற தொடர் புகார்களுக்கு முற்றுப்புள்ளி வைக்கும் வகையில், இனி கிடங்குகளிலேயே நவீன இயந்திரங்கள் (Modern Machinery) மூலம் பொருட்கள் அனைத்தும் பக்காவாக பாக்கெட்டுகளாக மாற்றப்பட்டு விநியோகிக்கப்படும் என உணவுத்துறை அமைச்சர் வெங்கட்ராமன் அதிரடியாகத் தெரிவித்துள்ளார்.

இந்தத் திட்டத்தின் மூலம் ரேஷன் கடைகளில் குடும்ப அட்டைதாரர்கள் நீண்ட நேரம் கால் வலிக்க வரிசையில் நின்று அவதிப்படுவதும் முற்றிலும் தவிர்க்கப்படும் என அவர் உறுதி அளித்துள்ளார்.

ரேஷன் விநியோக முறையையே தலைகீழாக மாற்ற தவெக அரசு எடுத்துள்ள இந்த கார்ப்பரேட் பாணி பாக்கெட் சிஸ்டம் பணிகள் தற்போது போர்க்கால அடிப்படையில் தீவிரப்படுத்தப்பட்டுள்ளதால், இல்லத்தரசிகள் மத்தியில் தற்போதே பலத்த வரவேற்பு கிளம்பியுள்ளது.”