லோகேஷ் கனகராஜ் இயக்கத்தில் நடிகர் விஜய், திரிஷா நடிப்பில் உருவாகியுள்ள ‘லியோ’ திரைப்படம் வரும் 19 ஆம் தேதி நாளை வெளியாகிறது. இந்நிலையில், இலங்கையில் வரும் 20 ஆம் தேதி ‘லியோ’ படத்தை திரையிட வேண்டாம் என இலங்கை தமிழ் எம்பிக்கள், நடிகர் விஜய்க்கு கடிதம் எழுதியுள்ளனர். அதில், ‘அன்றைய தினம், நாட்டைவிட்டு வெளியேறிய முல்லைத்தீவு மாவட்ட நீதிபதிக்கு ஆதரவாக போராட்டம் நடத்தப்படவுள்ளது. படம் வெளியானால் போராட்டத்திற்கு பின்னடைவாக இருக்கும்’ என குறிப்பிட்டுள்ளனர்.