தென் தமிழகத்தின் மிக முக்கிய மாவட்டங்களில் ஒன்றான திருநெல்வேலிக்கு மிகப்பெரிய தொழில்துறை ஜாக்பாட் ஒன்று கிடைத்துள்ளது.

நெல்லை மாவட்டம் கங்கைகொண்டான் பகுதியில் பிரம்மாண்டமான புதிய தொழிற்சாலை ஒன்றை அமைப்பதற்கான அதிகாரப்பூர்வ ஒப்பந்தம் தற்சமயம் கையெழுத்தாகியுள்ளது.

தமிழ்நாடு அரசின் முன்னிலையில் நடைபெற்ற இந்த நிகழ்வு, அப்பகுதி இளைஞர்கள் மற்றும் பொதுமக்களிடையே பெரும் மகிழ்ச்சியையும் வரவேற்பையும் பெற்றுள்ளது.

பிரபல முன்னணி நிறுவனமான விக்ரம் சோலார்  அமைப்புதான் இந்த மாபெரும் மெகா திட்டத்தைக் கையில் எடுத்துள்ளது. இந்நிறுவனத்தின் சார்பில் மின்கல ஆற்றல் சேமிப்பு அமைப்பு மற்றும் மின்கல உற்பத்தி ஆலை மிக பிரம்மாண்டமான முறையில் இங்கு நிறுவப்பட உள்ளது.

இதற்காக சுமார் 15,037 கோடி ரூபாய் என்ற அசுர முதலீடு செய்யப்பட உள்ளதாக அதிகாரப்பூர்வத் தகவல்கள் தெரிவிக்கின்றன. இவ்வளவு பெரிய முதலீட்டில் தொடக்கப்பட உள்ள இந்த அதிநவீன ஆலையின் மூலம், நெல்லை மற்றும் அதன் சுற்றுவட்டாரப் பகுதிகளைச் சேர்ந்த சுமார் 2,670 பேருக்குப் புதிய வேலைவாய்ப்புகள் நேரடியாகவும் மறைமுகமாகவும் கிடைக்கப் போவதுதான் இதன் ஹைலைட் அம்சமாகும். தென் மாவட்டங்களின் பொருளாதார வளர்ச்சியை அடுத்த கட்டத்திற்கு உயர்த்தும் நோக்கில் இந்த ஆலை தொடங்கப்பட உள்ளது.