‘டாம் அண்ட் ஜெர்ரி’ கார்ட்டூனில் காணப்படும் பூனை–எலி துரத்தல் காட்சிகள் குழந்தைகள் முதல் பெரியவர்கள் வரை அனைவரையும் கவர்ந்தவை. ஆனால் இதுபோன்ற காட்சிகள் நிஜ வாழ்க்கையில் அரிதாகவே காணப்படும். இந்த நிலையில், கார்ட்டூன் காட்சிகளை நினைவூட்டும் ஒரு வேடிக்கையான காணொளி தற்போது சமூக ஊடகங்களில் வைரலாகி வருகிறது.

அந்த காணொளியில், தரையில் அசையாமல் கிடக்கும் ஒரு சிறிய எலி, இறந்தது போல் நடிப்பதை பார்க்க முடிகிறது. அச்சமயம் அங்கு வந்த ஒரு பூனை, அந்த எலியை கால்பந்து போல உதைத்து பார்க்கிறது. இருந்தாலும், எலி எந்த எதிர்வினையும் காட்டாமல் தரையில் உருண்டு புரண்டு, முழுமையான “நாடக நடிப்பை” வெளிப்படுத்துகிறது.

 

எலி அசையாமல் இருப்பதால், அது உயிருடன் உள்ளதா அல்லது உண்மையிலேயே இறந்ததா என்பதை பூனையால் கூட உடனடியாக புரிந்து கொள்ள முடியவில்லை. பின்னர், எலி வெறும் நடிப்பை மேற்கொள்வதை உணர்ந்த பூனை, அதனை வேடிக்கை பார்த்தது போல் காணப்படுகிறது. இதுபோன்ற மிகைப்படுத்தப்பட்ட நடிப்பை வெளிப்படுத்தும் எலியை பலரும் இதற்கு முன் பார்த்ததில்லை என கூறப்படுகிறது.

இந்த நகைச்சுவை காணொளியை சமூக ஊடக தளமான X  இல் @jaatni_98 என்ற கணக்கு “எலியின் நடிப்பைப் பாருங்கள்… நாடகத்தனமான சுட்டி” என்ற தலைப்புடன் பகிர்ந்துள்ளது. 47 விநாடிகள் கொண்ட இந்த வீடியோ இதுவரை 24 ஆயிரத்துக்கும் மேற்பட்ட பார்வைகளைப் பெற்றுள்ளது.
காணொளியை பார்த்த பயனர்கள் பல்வேறு நகைச்சுவை கருத்துகளை பதிவிட்டுள்ளனர்.

ஒருவர், “நடிப்பு எல்லோரும் மனிதர்களைப் பார்த்துத்தான் கற்றுக்கொண்டார்கள் போல” என குறிப்பிட்டுள்ளார். மற்றொருவர், “எலி கூட இப்போது ரீல் செய்கிறது” என்று கிண்டலாக எழுதினார். மேலும் சிலர், “இது உண்மையான டாம் அண்ட் ஜெர்ரி விளையாட்டு போல இருக்கிறது” என்றும், “பூனை நெருங்கும்போது எலிகள் இறந்தது போல நடிக்கின்றன; பூனை திரும்பியவுடன் அவை மில்கா சிங் வேகத்தில் ஓடுகின்றன” என்றும் கருத்து தெரிவித்துள்ளனர்.
இந்த வேடிக்கையான காணொளி தற்போது சமூக ஊடகங்களில் பார்வையாளர்களை சிரிக்க வைத்து வருகிறது.