ஆதார் கார்டில் மொபைல் எண்ணை அப்டேட் செய்வது என்பது இதுவரை பலருக்கும் சிம்ம சொப்பனமாகவே இருந்தது. இதற்காக மக்கள் நீண்ட வரிசையில் காத்துக்கிடந்து நேரத்தை வீணடித்த காலம் மலையேறப் போகிறது. வரும் ஜனவரி 28, 2026 முதல் அமலுக்கு வரும் இந்த புதிய மாற்றத்தால், இனி உங்கள் வீட்டிலிருந்தே மொபைல் எண்ணை எளிதாக மாற்றிக் கொள்ள முடியும். இது டிஜிட்டல் இந்தியாவில் ஒரு மிகப்பெரிய புரட்சியாகவே பார்க்கப்படுகிறது.
​
​வங்கி சேவைகள் முதல் அரசின் நலத்திட்டங்கள் வரை எல்லாவற்றுக்கும் ஆதார் ஓடிபி (OTP) மிக முக்கியம். ஆனால் பழைய மொபைல் எண் தொலைந்து போனாலோ அல்லது கைவசம் இல்லாவிட்டாலோ மக்கள் படும் அவஸ்தை சொல்லி மாளாது. புதிய நெகிழ்வான வசதியின் மூலம், இனி மொபைல் எண் அப்டேட் செய்வது எளிதாக்கப்படுவதால், எந்தத் தடையும் இல்லாமல் அரசு மானியங்கள் மற்றும் ஓய்வூதியத் தொகைகளை மக்கள் பெற முடியும். குறிப்பாக முதியவர்களுக்கும் கிராமப்புற மக்களுக்கும் இது ஒரு வரப்பிரசாதம்