இந்திய கிரிக்கெட் ஜாம்பவான் எம்.எஸ். தோனிக்கு இந்தியாவில் ஒரு பிரதமருக்கு இணையான பாதுகாப்பு வழங்கப்படுவதாக இங்கிலாந்து அணியின் முன்னாள் கேப்டன் மைக்கேல் வாகன் வியப்புடன் தெரிவித்துள்ளார். அண்மையில் நடைபெற்ற டி20 உலகக் கோப்பையின் போது தோனி பல்வேறு இடங்களுக்குப் பயணம் செய்ததைக் குறிப்பிட்ட வாகன், சச்சின் டெண்டுல்கருக்குப் பிறகு இந்தியாவில் இந்த அளவு மிகப்பெரிய கௌரவமும் மரியாதையும் தோனிக்கு மட்டுமே கிடைப்பதாகக் கூறியுள்ளார்.

தோனி எங்கு சென்றாலும் மக்கள் கூட்டம் அவரைச் சூழ்ந்து கொள்வதாகவும், அவர் பயணம் செய்யும் இடமெல்லாம் ஒரு ராணுவப் படையே அவருக்குப் பாதுகாப்பு அளிப்பது போன்ற பிரமிப்பை ஏற்படுத்துவதாகவும் வாகன் பாராட்டியுள்ளார். இந்தியாவைப் பொறுத்தவரை தோனி ஒரு சாதாரண விளையாட்டு வீரராக இல்லாமல், ஒரு மிகப்பெரிய ஆளுமையாகப் பார்க்கப்படுவதையே இது காட்டுகிறது என அவர் தனது கருத்தைப் பகிர்ந்துள்ளார்.