தமிழக அரசியல் களத்தில் எப்போதும் எலியும் பூனையுமாக மல்லுக்கட்டும் இரு துருவத் தலைவர்கள் ஒரே மேடையில் ஒன்றாகத் தோன்றி அரட்டை அடித்துள்ள அக்மார்க் சுவாரசியச் சம்பவம் தற்பொழுது சோசியல் மீடியா ஏரியாவிலும் கோட்டை வட்டாரத்திலும் மிகப்பெரிய புயலையும் விவாதத்தையுமே கிளப்பியுள்ளது.

சென்னை திருவேற்காட்டில் (Thiruverkadu) நடைபெற்ற ஒரு திருமண விழாவில், எதிர்க்கட்சித் தலைவர் உதயநிதியும், நாம் தமிழர் கட்சியின் (நா.த.க) தலைமை ஒருங்கிணைப்பாளர் சீமானும் ஒரே நேரத்தில் நேரில் பங்கேற்றுள்ளனர்.

மேடையில் அருகருகே அமர்ந்திருந்த இரு தலைவர்களும், பொதுவெளியில் நிலவும் அரசியல் பகையையெல்லாம் சற்று ஓரங்கட்டிவிட்டு, ஒருவருக்கொருவர் மிகவும் நெருக்கமாக ரகசியம் பேசிச் சிரித்துக் கொண்ட காட்சிகள் அப்பட்டமாகப் பதிவாகியுள்ளது.

அரசியல் மேடைகளிலும் ஊடக விவாதங்களிலும் ஆளுங்கட்சியையும் திராவிடக் கொள்கைகளையும் விமர்சித்து வரும் சீமானும், அதற்குத் தனது பாணியில் பதிலடி கொடுத்து வரும் உதயநிதியும் இப்படி ஒரு சுப நிகழ்ச்சியில் மிக எதேச்சையாகவும் ஜாலியாகவும் சந்தித்துக் கொண்டது தொண்டர்கள் மத்தியில் பெரும் ஆச்சரியத்தை ஏற்படுத்தியுள்ளது.

தற்பொழுது  இந்த லேட்டஸ்ட்  அரசியல் செய்தி சோசியல் மீடியா பக்கங்களில் மிக வேகமாகப் பரவி, “வெளியில பார்க்கும்போது இவங்க ரெண்டு பேரும் பயங்கரமா சண்டை போட்டுப்பாங்க, ஆனா இங்க வந்து எப்படி க்யூட்டா சிரிச்சுப் பேசுறாங்க பாருங்க . அரசியல்ல நிரந்தர எதிரியும் இல்லை, துரோகியும் இல்லை-ன்றதுக்கு இந்த போட்டோவே அக்மார்க் சாட்சி!” என்று நெட்டிசன்கள் தங்களது காரசாரமான கமெண்ட்டுகளுடன் இந்த நியூஸைத் தாறுமாறாக விவாதித்து வருகின்றனர்.