மகாராஷ்டிராவில் இளம்பெண் கியாதியின் மர்ம மரணம் பெரும் பரபரப்பை ஏற்படுத்தியுள்ளது. அவர் இறப்பதற்கு மூன்று மணி நேரத்திற்கு முன்னதாக தனது தாய்க்கு அனுப்பிய உருக்கமான குறுஞ்செய்தி பல சந்தேகங்களை எழுப்பியுள்ளது. அதில், “அம்மா, கடைசியில் நீ என் உயிரை எடுத்துவிட்டாய்” என்று அவர் குறிப்பிட்டுள்ளார்.
இந்தச் சம்பவம் தற்கொலையா அல்லது கொலையா என்ற கோணத்தில் போலீசார் தற்போது தீவிர விசாரணை நடத்தி வருகின்றனர். இந்த வழக்கின் பின்னணியில் உள்ள மர்மத்தை வெளிக்கொணர போலீசார் கியாதியின் செல்போன் உரையாடல்கள் மற்றும் கடைசி சில மணிநேரங்களில் அவர் சந்தித்த நபர்கள் குறித்து ஆய்வு செய்து வருகின்றனர்.
இந்நிலையில் குடும்பத்தினரிடையே இருந்த கருத்து வேறுபாடுகள் இந்த துயரத்திற்கு காரணமா என்ற சந்தேகமும் எழுந்துள்ளது. இந்த உருக்கமான செய்தி அந்தப் பெண்ணின் மனவேதனையை வெளிப்படுத்துவதுடன், வழக்கிற்கு மிக முக்கியமான ஆதாரமாகவும் பார்க்கப்படுகிறது.
