கர்நாடகாவின் ஹரலஹள்ளி கிராமத்தில், 20 வயதில் பேருந்து கண்டக்டராக தொழில் தொடங்கிய அன்கே கௌடா, தனது வாழ்நாள் சம்பாத்தியத்தின் 80%க்கும் அதிகமானதை புத்தக வாங்கத் தானே செலவழித்து, இன்று 20 லட்சம் புத்தகங்களுடன் கூடிய இலவச நூலகத்தை உருவாக்கி அனைவரையும் நெகிழ வைத்துள்ளார்.

மைசூரில் தங்கியிருந்த தனது வீட்டை விற்று கிடைத்த பணத்தைப் பயன்படுத்தி, ‘புஸ்தக மானே’ (புத்தக இல்லம்) என்ற இந்த அற்புத நூலகத்தை அமைத்த இவர், கன்னடம், சமஸ்கிருதம், ஆங்கிலம் உட்பட 20க்கும் மேற்பட்ட மொழிகளில் இலக்கியம், அறிவியல், தொழில்நுட்பம், புராணங்கள், தத்துவம், அரிய வரலாற்று ஆவணங்கள் என பல்வேறு துறைகளின் புத்தகங்களை சேகரித்துள்ளார்.

கடந்த 1832-ஆம் ஆண்டு பதிப்புகள் முதல் சமீபத்திய புத்தகங்கள் வரை உள்ள இந்த சேகரிப்பு, ஐ.ஏ.எஸ். தேர்வுக்கு தயாராகும் மாணவர்கள், ஆய்வாளர்கள், எழுத்தாளர்கள், உச்ச நீதிமன்ற நீதிபதிகள் வரை யாரும் இலவசமாக அணுகி பயன்படுத்துகின்றனர்.