ஹரியானா மாநில சட்டமன்ற தேர்தலில் தாத்ரி தொகுதியில் பாஜக சார்பில் போட்டியிட்ட முன்னாள் ஜெயிலர் சுனில் சங்வான் வெற்றி பெற்றார். இவர் 1,957 வாக்குகள் வித்தியாசத்தில் காங்கிரஸ் வேட்பாளர் மனிஷா சங்வானை தோற்கடித்தார். சுனில் சங்வான், ரோஹ்தக் சிறையில் ஜெயிலராக பணியாற்றிய போது, பாலியல் குற்றவாளி சாமியார் ராம் ரஹீமுக்கு அதிகபட்சம் 6 முறை பரோல் வழங்கப்பட்டது.

இதன் பின்னணியில் சுனில் சங்வான் சமீபத்தில் தனது ஜெயிலர் பதவியை ராஜினாமா செய்து, பாஜகவில் சேர்ந்தார்.சுனில் சங்வான், தாத்ரி தொகுதியில் தனது முதல் தேர்தலில் போட்டியிட்டு வெற்றி பெற்றுள்ளார். அவரது அரசியல் பயணம் அவர் தந்தை மற்றும் முன்னாள் காங்கிரஸ் உறுப்பினர் சத்பால் சங்வானின் பின்னணியிலும் ஆதரிக்கப்படுகிறது. ராம் ரஹீமின் பரோல் விடுவிப்புகள் மற்றும் இவரது அரசியல் நுழைவு ஹரியானாவில் பெரும் விவாதத்தை கிளப்பியுள்ளது.