சோஹோ நிறுவனத்தின் ‘அரட்டை’ மெசேஜிங் செயலி இந்தியாவில் பெரும் வரவேற்பைப் பெற்று வருகிறது. 2021-ல் அறிமுகப்படுத்தப்பட்ட இந்தச் செயலி, கடந்த சில ஆண்டுகளாக செயல்பாட்டில் இருந்தாலும், சமீப நாட்களில் ஸ்மார்ட்போன் பயனர்களிடையே அதிக அளவில் பதிவிறக்கம் செய்யப்பட்டு வருகிறது.
டவுன்லோடு எண்ணிக்கை நூறு மடங்கு அதிகரித்துள்ளது, ஒரு நாளைக்கு 3,000-ஆல் இருந்து 3.5 லட்சமாக உயர்ந்துள்ளது. வாட்ஸ்அப்புக்கு மாற்றாகக் கருதப்படும் இந்தச் செயலி, வீடியோ அழைப்புகள், டெக்ஸ்ட் செய்திகள், இடம் பகிர்வு, படங்கள், வீடியோக்கள் அனுப்புதல், ஸ்டோரீஸ் உள்ளிட்ட அனைத்து அத்தியாவசிய அம்சங்களையும் கொண்டுள்ளது.
மஹிந்திரா குழுமத்தின் தலைவர் ஆனந்த் மஹிந்திரா இந்த அரட்டை செயலியைப் பதிவிறக்கம் செய்துள்ளார். இதுகுறித்து அவர் வெளியிட்ட பதிவில், “அரட்டை செயலியை இன்று பதிவிறக்கம் செய்தேன்” என்று தெரிவித்துள்ளார். இந்தச் செயலியின் விரிவான அம்சங்கள் மற்றும் திடீர் சிறப்பம்சம், பிரபலமான தொழில்முன்னோடிகளின் கவனத்தையும் ஈர்த்துள்ளது.
