மத்திய பிரதேச மாநிலம் உஜ்ஜயின் மாவட்டம் கச்ச்ரோட் தாலூகாவில் உள்ள ஸ்ரீவாஸ் கிராமத்தில் நம்பிக்கையின்மையால் கட்டுப்பாடுகளை மீறிய கொடூர சம்பவம் ஒன்று வெடித்துள்ளது. உஜ்ஜயின் நகரைச் சேர்ந்த உர்மிலா சௌதரி (வயது 22), உடல்நிலை சரியில்லாததால் “பேய் பிடித்துவிட்டது” என கூறி, அவரது உறவினர்களால் சிறப்பு பூஜை எனக் கூறி சித்திரவதை செய்யப்பட்டது.

அவரது தந்தை வசிக்கும் கிராமமான ஸ்ரீவாசில் கடந்த செப்டம்பர் 29ஆம் தேதி, நவராத்திரி விழாவின் ஏழாம் நாளில் இவர் அழைத்து வரப்பட்டு, கடவுள் படங்களால் சூழ்ந்த ஒரு அறையில் வைத்து, இரும்புச் சங்கிலி, சூடான நாணயம், தீ பற்றிய நூல்கள் போன்றவற்றால் சித்ரவதை செய்யப்பட்டார்.

இந்த நம்பிக்கையின் பெயரில் நடந்த கொடூர சம்பவத்தில், உர்மிலா மீது ஒரு பெண் மற்றும் சில ஆண்கள் சேர்ந்து தாக்குதல் நடத்தினர். ஒருவர் கையில்  பின்னர், சங்கிலியால் தலையில் அடித்து, சூடான நாணயத்தை நெற்றியில் ஒட்டியதோடு, தீயில் இட்ட நூலைக் கைகளில் வைத்தனர்.

சுமார் 2.30 மணி நேரம் வரை அவர் அலறி அழுதபடி, துடித்தபடியே இருந்தும் யாரும் தடுக்கவில்லை. அடுத்த நாள் கிராமத்தின் துணை சர்பஞ்ச் உதவியுடன் நகரத்திற்கு கொண்டுவரப்பட்டு, தற்போது போலீசில் புகார் அளிக்கப்பட்டுள்ளது.

இந்த சம்பவம் தொடர்பாக உடனடியாக தீவிர நடவடிக்கைக்கு உஜ்ஜயின் மாவட்ட எஸ்பி பிரதீப் சர்மா உத்தரவிட்டார். இதன் பேரில் 8 பேர் மீது இந்தியத் தண்டனைச் சட்டத்தின் பிரிவுகள் 115(2), 118(1), மற்றும் 3(5) ஆகியவற்றின் கீழ் வழக்குப் பதிந்து, மூவரை கைது செய்தனர்.

மேலும் மற்ற குற்றவாளிகளை தேடும் பணி நடைபெற்று வருகிறது. உர்மிலா தற்போது அரசு மருத்துவமனையில் சிகிச்சை பெற்று வருகிறார். அவரது கணவர், “மகன் இல்லாததால்” அவரை கைவிட்டதாகவும், தற்போதைய வாழ்வில் தாயுடன் தான் இருக்கிறாரெனவும் கூறப்பட்டுள்ளது.