தமிழ் திரையுலகில் முன்னணி நடிகராக வலம் வருபவர் தான் சிம்பு. ஈஸ்வரன் திரைப்படத்தின் வாயிலாக தன் அடுத்த இன்னிங்ஸை துவங்கிய இவர், தற்போது தொடர்ந்து அடுத்தடுத்த படங்களில் நடித்து வருகிறார். கடைசியாக இவரது நடிப்பில் வெளியாகிய மாநாடு, வெந்து தணிந்தது காடு உள்ளிட்ட படங்கள் வெற்றி பெற்றது.

இதையடுத்து சிம்பு நடிப்பில் மார்ச் 30ம் தேதி பத்து தல என்ற திரைப்படம் ரிலீஸ் ஆகவுள்ளது. இப்படத்தை அடுத்து நடிகர் சிம்பு அடுத்ததாக மிஷ்கின் இயக்கத்தில் நடிக்க உள்ளதாக தகவல் பரவியது. ஆனால் இப்போது இந்த படத்தை நடிகர் சிம்பு கமல்ஹாசன் தயாரிப்பில் நடிக்க இருப்பதாக தகவல் வெளியாகி உள்ளது.

மேலும் இந்த படத்தை கண்ணும் கண்ணும் கொள்ளையடித்தால் படத்தை டைரக்டு செய்த தேசிங்கு பெரியசாமி இயக்க இருப்பதாக கூறப்படுகிறது. அத்துடன் இத்திரைப்படம் ரூ.100 கோடி பட்ஜெட்டில் உருவாக உள்ளதாக தகவல் வெளியாகி இருக்கிறது. இதன் காரணமாக இப்படத்தின் மீதான எதிர்பார்ப்பு தற்போது இலிருந்தே அதிகரித்து வருகிறது.