தமிழ்நாடு சட்டப்பேரவையில் 110 விதியின் கீழ் உரையாற்றிய முதலமைச்சர் விஜய், பால் உற்பத்தியாளர்களின் வாழ்வாதாரத்தை உயர்த்தும் நோக்கில் பால் கொள்முதல் விலையை லிட்டருக்கு மேலும் ரூ.3 உயர்த்தி, ரூ.44-ஆக அதிகரித்து அதிரடி அறிவிப்பை வெளியிட்டுள்ளார். மாநிலத்தின் பல்வேறு பகுதிகளில் உள்ள பால் உற்பத்தியாளர்கள் மற்றும் பண்ணையாளர்கள் தங்களின் உற்பத்திச் செலவு அதிகரித்துள்ளதாகச் சுட்டிக்காட்டி, கொள்முதல் விலையை உயர்த்த வேண்டும் எனத் தொடர்ந்து கோரிக்கை விடுத்து வந்த நிலையில் இந்த முக்கிய முடிவை அரசு எடுத்துள்ளது.

​சட்டப்பேரவை கூட்டத்தொடரில் முதலமைச்சர் வெளியிட்ட இந்த அறிவிப்பின் மூலம், கூட்டுறவு பால் உற்பத்தியாளர்கள் சங்கங்கள் மூலமாகப் பால் வழங்கும் லட்சக்கணக்கான பால் உற்பத்தியாளர்கள் நேரடியாகப் பயனடைவார்கள் என்று தெரிவிக்கப்பட்டுள்ளது. தீவனங்களின் விலை உயர்வு மற்றும் பராமரிப்புச் செலவுகள் அதிகரித்துள்ள சூழலில், இந்த விலை உயர்வு பால் உற்பத்தியாளர்களின் பொருளாதாரப் சுமையைக் கணிசமாகக் குறைக்கும் என எதிர்பார்க்கப்படுகிறது.

​தமிழக அரசின் இந்த ஊக்கமளிக்கும் நடவடிக்கையால் ஆவின் நிறுவனத்திற்குப் பால் விநியோகம் செய்யும் விவசாயிகளின் எண்ணிக்கை மேலும் அதிகரிக்கும் என்றும், பால் உற்பத்தித் துறை மேலும் வலுவடையும் என்றும் எதிர்பார்க்கப்படுகிறது. முதலமைச்சர் விஜயின் இந்த அதிரடி அறிவிப்பிற்குப் பால் உற்பத்தியாளர்கள் சங்கம் மற்றும் பல்வேறு விவசாய அமைப்புகள் தங்களது மனமார்ந்த வரவேற்பையும் நன்றியையும் தெரிவித்து வருகின்றன.