நதி ஒன்றுக்கு நடுவில் நங்கூரமிட்டு நின்றிருந்த சரக்குக் கப்பலின் கண்டெய்னர் ஒன்று திடீரெனத் திறந்துகொள்ள, அதிலிருந்து விலை உயர்ந்த ஐபோன் பெட்டிகள் அருவி போல் கொட்டும் அதிர்ச்சியளிக்கும் காணொளி ஒன்று இணையத்தில் வெளியாகி வைரலாகி வருகிறது. ஆற்றில் ஐபோன் பெட்டிகள் விழுவதைக் கண்ட அருகிலிருந்த கிராம மக்கள், அதிர்ச்சியில்லாமல் உடனடியாகத் தங்கள் படகுகளில் அந்த இடத்திற்கு விரைந்தனர்.
View this post on Instagram
நதிக்கு நடுவே நின்றிருந்த சரக்குக் கப்பலின் கண்டெய்னரினுள் ஐபோன் பெட்டிகள் நிரம்பியிருப்பது வீடியோவில் தெளிவாகத் தெரிகிறது. கண்டெய்னரிலிருந்து விழும் பெட்டிகளைப் படகுகளில் வந்த மக்கள் தயக்கமின்றி எடுத்துத் தங்கள் படகுகளில் அள்ளி நிரப்பிக்கொண்டு செல்கின்றனர். சிலர் ஆற்றில் விழும் பெட்டிகளைப் பிடித்தனர்; சிலர் நேரடியாக கண்டெய்னரிலிருந்து பெட்டிகளை எடுத்து ஆற்றில் வீசி, அதன்பின் படகுகளில் ஏற்றுவதையும் காண முடிந்தது.
நதியில் திடீரென “ஐபோன் மழை” பெய்ததுபோல் இந்தக் காட்சி இருந்தது. படகில் இருந்த பலர் சிரித்துக்கொண்டே அதிக எண்ணிக்கையிலான ஐபோன் பெட்டிகளை அள்ளுவதைக் காண முடிந்தது. இருப்பினும், இந்த வீடியோ செயற்கை நுண்ணறிவு தொழில்நுட்பத்தைப் பயன்படுத்தி உருவாக்கப்பட்டிருக்கலாம் என்று பல பயனர்கள் கருத்து தெரிவித்துள்ளனர்.
இந்த வீடியோவின் உண்மைத்தன்மையை ஏபிபி லைவ் உறுதிப்படுத்தவில்லை என்றாலும், oye_sanki_1 என்ற இன்ஸ்டாகிராம் பக்கத்தில் பகிரப்பட்ட இந்த வீடியோவை இதுவரை லட்சக்கணக்கானோர் பார்த்துள்ளனர். இதைப் பார்த்த பல இணையப் பயனர்கள், “எனக்கு ஒன்று பார்சல் செய்யுங்கள்,” என்பது போன்ற பலவிதமான வேடிக்கையான கருத்துக்களைப் பதிவிட்டு வருகின்றனர்.
