சூர்யா நடிப்பில் இன்று திரையரங்குகளில் வெளியாகும் ‘கருப்பு’ படத்தின் மீது பெரும் எதிர்பார்ப்பு நிலவி வந்த நிலையில், ரசிகர்களுக்குப் பேரதிர்ச்சியாக ஒரு தகவல் வெளியாகியுள்ளது.

இன்று காலை 9 மணிக்குத் திட்டமிடப்பட்டிருந்த படத்தின் சிறப்புக்காட்சி, தவிர்க்க முடியாத காரணங்களால் ரத்து செய்யப்படுவதாகப் படத் தயாரிப்பாளர் எஸ்.ஆர்.பிரபு அதிகாரப்பூர்வமாக அறிவித்துள்ளார்.

இப்படத்தின் சிறப்புக்காட்சிக்குத் தமிழக அரசு ஏற்கனவே அனுமதி வழங்கியிருந்த போதிலும், கடைசி நேரத்தில் நிர்வாக மற்றும் தொழில்நுட்ப காரணங்களால் இந்த முடிவு எடுக்கப்பட்டுள்ளதாகத் தெரிகிறது.

அதிகாலையிலேயே திரையரங்குகளுக்குத் திரண்டு வந்த சூர்யா ரசிகர்கள், இந்தத் திடீர் அறிவிப்பால் மிகுந்த ஏமாற்றமடைந்துள்ளனர். இருப்பினும், மற்ற வழக்கமான காட்சிகள் திட்டமிட்டபடி திரையிடப்படும் என்பதால் ரசிகர்கள் சற்று நிம்மதி அடைந்துள்ளனர்.