தமிழகத்தில் ஆட்சி அமைப்பதற்கான அரசியல் நகர்வுகள் சூடுபிடித்துள்ள நிலையில், இன்று காலை நடைபெறவிருந்த காங்கிரஸ் கட்சியின் செய்தியாளர்கள் சந்திப்பு திடீரென பிற்பகல் 2 மணிக்கு ஒத்திவைக்கப்பட்டுள்ளது.
தமிழகத்தில் புதிய ஆட்சி அமைப்பது தொடர்பாக அதிமுக-விடம், தமிழக வெற்றிக் கழகம் (தவெக) ஆதரவு கோரி பேச்சுவார்த்தையைத் தொடங்கியுள்ளதாகத் தெரிகிறது. இந்தத் திடீர் அரசியல் மாற்றங்கள் குறித்து ஆலோசிக்க வேண்டியிருப்பதால், காங்கிரஸ் கட்சி தனது நிலைப்பாட்டை அறிவிப்பதில் தாமதம் ஏற்பட்டுள்ளதாகத் தகவல்கள் தெரிவிக்கின்றன.
முன்னதாக, காங்கிரஸ் கட்சியின் செல்வப்பெருந்தகை (முக்கியத் தலைவர்) இன்று காலை 11 மணி அளவில் செய்தியாளர்களைச் சந்தித்து கட்சியின் அதிகாரப்பூர்வ நிலைப்பாட்டை அறிவிப்பார் என்று தெரிவிக்கப்பட்டிருந்தது. ஆனால், தற்போதைய அரசியல் சூழலைக் கருத்தில்கொண்டு, இந்தச் சந்திப்பு மதியம் 2 மணி வரை ஒத்திவைக்கப்படுவதாக அறிவிக்கப்பட்டுள்ளது.
அதாவது சென்னை பசுமைவழிச் சாலையில் உள்ள எடப்பாடி பழனிச்சாமியின் இல்லத்திற்கு நடிகர் விஜய் சென்றுள்ள நிலையில் தமிழக வெற்றிக்கழகத்திற்கு ஆதரவு அளிப்பது தொடர்பாக பேச்சுவார்த்தை நடத்தி வருவதாக செய்திகள் வெளிவந்துள்ளது. இதன் காரணமாகவே காங்கிரஸ் தற்போது தமிழக வெற்றி கழகத்திற்கு ஆதரவளிப்பதற்கு தயக்கம் காட்டுவதாக செய்திகள் வெளிவந்துள்ளது. இருப்பினும் காங்கிரஸ் நிர்வாகி ஒருவர் வருவதற்கு தாமதமானதால்தான் செய்தியாளர்கள் சந்திப்போம் ஒத்திவைக்கப்பட்டதாக மற்றொரு தகவலும் வெளியாகி உள்ளது.
