இந்த திருட்டு சம்பவத்தில் பாதிக்கப்பட்ட கார் ஓட்டுநரான சாரன்ஷ், வினோபா பாவே காவல் நிலையத்தில் புகார் பதிவு செய்துள்ளார். காவல்துறை, இந்த சம்பவம் தொடர்பாக விசாரணையை தொடங்கி, அப்பகுதியில் உள்ள சிசிடிவி காட்சிகளை ஆய்வு செய்து வருகிறது. மும்பை காவல்துறை, ஓட்டுநர்களுக்கு குறிப்பாக போக்குவரத்து நெரிசலில் அல்லது மக்கள் நெருக்கமான இடங்களில் கார் நிறுத்தும்போது கூடுதல் கவனத்துடன் இருக்குமாறு எச்சரித்துள்ளது.

“யாரேனும் கார் ஜன்னலை தட்டினால், ஜன்னலை திறக்கவோ, கதவை திறக்கவோ கூடாது,” என பொதுமக்களுக்கு அறிவுறுத்தியுள்ளனர். இந்த வைரல் வீடியோவுக்கு சமூக வலைதளங்களில் பலரும் கருத்து தெரிவித்துள்ளனர். ஒரு பயனர், “ஐபோனை எளிதாக கண்காணிக்க முடியும், விரைந்து நடவடிக்கை எடுங்கள்,” எனவும், மற்றொரு பயனர், “2008ல் என் அம்மாவுக்கு இதேபோல் நடந்தது, இன்னும் இந்த திருட்டு தொடர்கிறது, ஆனால் காவல்துறை எந்த நடவடிக்கையும் எடுக்கவில்லை,” எனவும் கருத்து பதிவிட்டுள்ளனர்.