ஒரு தயாரிப்பு வடிவமைப்பாளர் ஊழியர், தனது முதல்நாளிலேயே வேலை ராஜினாமா செய்திருப்பது சமீபத்தில் சமூக வலைத்தளங்களில் பெரும் விவாதத்தை ஏற்படுத்தியுள்ளது. புதுடெல்லியைச் சேர்ந்த ஸ்ரேயாஸ் என்ற இந்த ஊழியர், மேலாளரின் நியாயமற்ற கோரிக்கைகள் மற்றும் வேலை நேர கட்டுப்பாடுகளால், தனிப்பட்ட வாழ்க்கைக்கு நேரம் ஒதுக்க முடியாத நிலையில், வேலையை ராஜினாமா செய்ததாக தெரிவித்துள்ளார்.

ஸ்ரேயாஸ், வேலை தாண்டி தனிப்பட்ட வாழ்க்கையும் முக்கியம் என்று தன் கருத்தை பதிவு செய்துள்ளார். “புத்தகம் படிப்பது, உடற்பயிற்சி செய்வது, குடும்பத்துடன் நேரத்தை செலவிடுவது என எல்லா பணிகளுக்கும் முக்கியத்துவம் தர வேண்டும்; அவற்றைத் தியாகம் செய்து இந்த வேலையை தொடர முடியாது” என்று அவர் குற்றம்சாட்டியுள்ளார். இந்த விஷயம், ‘பொருளாதார மற்றும் வாழ்க்கைத் தரக்கேற்ற வேலைச் சூழல்’ குறித்து பெரிய விவாதத்தை கிளப்பியது.

ரெடிட் போன்ற சமூக தளங்களில் இவருடைய பதிவை ஏராளமான மக்கள் ஆதரித்தனர். “உங்களை நினைத்து பெருமைப்படுகிறேன்” என்று பலரும் பாராட்டி உள்ளனர். இந்தக் கோரிக்கைகள், இன்று இந்திய தொழில்துறையில் நிலவும் வேலை நேரச் சுமைகள் மற்றும் நேர ஒதுக்கீடு பற்றிய விவாதத்தை மேலும் தீவிரமாக்கியுள்ளன.