தமிழ் சினிமாவில் 90-களின் காலகட்டத்தில் ரசிகர்களின் மனதை மொத்தமாக வென்றெடுத்து, காதல் நாயகியாக வலம் வந்த நடிகை ஷாலினி, திரையுலகை விட்டு விலகிப் பல ஆண்டுகள் ஆன போதிலும், அவர் குறித்த ஒவ்வொரு செய்தியும் ரசிகர்களுக்கு எப்போதுமே கொண்டாட்டம்தான்.

‘அமர்க்களம்’ திரைப்படத்தில் நடிகர் அஜித்துடன் இணைந்த போது மலர்ந்த இவர்களது காதல், நிஜ வாழ்க்கையிலும் தம்பதிகளாக இணைந்து வெற்றி நடை போட வைத்தது. திருமணத்திற்குப் பிறகு அஜித்தின் திரைப்பயணத்திற்குப் பின்னால் பெரும் பக்கபலமாக நின்று, தனது குடும்ப வாழ்க்கையில் கவனம் செலுத்தி வந்த ஷாலினி, மீண்டும் வெள்ளித்திரையில் தோன்றப்போகிறார் என்ற செய்தி சினிமா வட்டாரத்திலும் அஜித் ரசிகர்கள் மத்தியிலும் பரவி மிகப்பெரிய எதிர்பார்ப்பைக் கிளப்பியது.

அஜித் குமார் நடிப்பில் உருவாக உள்ள புதிய திரைப்படத்தில் ஷாலினியை ஒரு கௌரவத் தோற்றத்திலோ அல்லது முக்கியக் கதாபாத்திரத்திலோ நடிக்க வைக்கப் பேச்சுவார்த்தைகள் நடைபெற்றதாக வெளியானத் தகவல்கள் கோலிவுட்டையே அதிர வைத்தன.

1999-ல் வெளியான ‘அமர்க்களம்’ படத்திற்குப் பிறகு மீண்டும் அஜித் மற்றும் ஷாலினி ஜோடியை திரையில் பார்க்கப்போகிறோம் என்ற எண்ணமே திரையுலக பிரியர்களையும் ரசிகர்களையும் பெரும் உற்சாக வெள்ளத்தில் ஆழ்த்தியது. மீண்டும் இருவரையும் ஒரே திரையில் காண்பதற்கு ரசிகர்கள் ஆவலுடன் காத்துக்கொண்டிருந்த நிலையில், இந்தத் தகவல் சமூக வலைதளங்கள் முழுவதும் வைரலாகிப் பெரும் விவாதப் பொருளாக உருவெடுத்தது.

இருப்பினும், இந்தச் செய்திகளுக்கு முற்றுப்புள்ளி வைக்கும் வகையில், நடிகை ஷாலினி மீண்டும் திரைக்கு முன்னால் தோன்றி நடிப்பதில் விருப்பமில்லை என்பதைத் தெள்ளத்தெளிவாகத் தெரிவித்துள்ளதாகத் தகவல்கள் வெளியாகியுள்ளன.

கேமராவுக்கு முன்னால் இனி நான் நடிக்க வரமாட்டேன் என்றும், திரைக்குப் பின்னால் இருந்து தயாரிப்பு அல்லது பின்னணிப் பணிகளில் மட்டுமே எனது பங்களிப்பு இருக்கும் என்றும் அவர் தனது முடிவை உறுதியாக வெளிப்படுத்தியுள்ளார்.

இதனால் ‘அமர்க்களம்’ ஜோடியை மீண்டும் திரையில் காண ஆசைப்பட்ட ரசிகர்கள் சற்று ஏமாற்றமடைந்தாலும், திரைக்குப் பின்னால் அஜித்தின் பட தயாரிப்பிலும் அவரது வளர்ச்சிக்கும் ஷாலினி தொடர்ந்து தூணாக நிற்கப் போவது அஜித் ரசிகர்களுக்கு ஒரு பெரும் நம்பிக்கையையும் மகிழ்ச்சியையும் தந்துள்ளது.