நொய்டாவில் உள்ள ஆம்ரபாலி டெரெஸ் ஹோம்ஸ் (Amrapali Terrace Homes) குடியிருப்பு பகுதியில் நடந்த ஒரு சம்பவம் சமூக வலைத்தளங்களில் காட்டுத்தீ போல பரவி, மக்கள் மத்தியில் பெரும் கொந்தளிப்பை ஏற்படுத்தியுள்ளது. அங்கு வசிக்கும் பெண் ஒருவர், பாதுகாப்பு பணியில் இருந்த செக்யூரிட்டி ஊழியரிடம் எவ்வித கூச்சமும் இன்றி ஆவேசமாக சண்டை போட்டு ரகளை செய்துள்ளார்.
”ஏய் ஏழை நாயே, உன் தகுதி என்னவென்று தெரிந்து அடங்கி இரு!” என்று அந்த உழைக்கும் தொழிலாளியை பார்த்து மிகக் கேவலமான வார்த்தைகளால் அவர் திட்டியுள்ளார். அதுமட்டுமில்லாமல், “உன்னைக் கொன்று விடுவேன்… என் பண பலத்திற்கு முன்னாடி உன்னாலும் சட்டத்தாலும் ஒன்றும் செய்ய முடியாது!” என்று பகிரங்கமாக மிரட்டல் விடுத்ததுடன், அவரை அடிக்கவும் பாய்ந்துள்ளார்.
இரவு நேரத்தில் தன் கடமையைச் செய்து கொண்டிருந்த ஒரு சாதாரண மனிதனை, வெறும் பொருளாதார நிலையை வைத்து இவ்வளவு கேவலமாக நடத்தியது அதிர்ச்சியை ஏற்படுத்தியுள்ளது. பணம் இருக்கிறது என்ற ஒரே காரணத்திற்காக ஒரு தொழிலாளியின் சுயமரியாதையை மிதிக்கும் இந்தச் செயல், சமூகத்தில் இன்னும் இருக்கும் வர்க்க வேறுபாட்டை அப்பட்டமாகக் காட்டியுள்ளது.
தற்போது இந்த வீடியோ சோஷியல் மீடியாவில் வைரலாகி, அந்தப் பெண்ணிற்கு எதிராக கடும் கண்டன அலைகளை உருவாக்கியுள்ளது. மனிதர்களின் மதிப்பை வங்கிச் சேமிப்பைக் கொண்டு தீர்மானிக்க முடியாது என்று பலரும் கொந்தளித்து வருகின்றனர்.
