பொதுவாக மருத்துவப் பரிசோதனை செய்துகொள்ள வேண்டும் என்றால், லேபுக்குச் சென்று நீண்ட நேரம் வரிசையில் காத்திருக்க வேண்டியது பல நாடுகளில் வழக்கமாக உள்ளது. ஆனால், மும்பையில் வசிக்கும் லிஸ் என்ற வெளிநாட்டுப் பெண்மணி, இந்தியாவில் மருத்துவ சேவை எவ்வளவு எளிதாக இருக்கிறது என்று வியந்து தனது அனுபவத்தைப் பகிர்ந்துள்ளார்.
ரத்தப் பரிசோதனைக்காக கிளினிக்கிற்குச் செல்லத் திட்டமிட்டிருந்த அவருக்கு, மருத்துவமனையிலிருந்தே ஒருவர் வீட்டிற்கு வந்து ரத்த மாதிரியைச் சேகரித்துச் சென்றது பெரும் ஆச்சரியத்தை அளித்துள்ளது. அதுமட்டுமின்றி, இந்த வீட்டிற்கு வரும் சேவைக்குக் கூடுதல் கட்டணம் ஏதுமில்லை என்று தெரிந்ததும் அவர் மிகுந்த மகிழ்ச்சியடைந்தார்.
மருத்துவமனையில் நீண்ட நேரம் காத்திருக்க வேண்டிய அவசியமில்லாமல், வீட்டிலேயே மிக விரைவாக இந்தச் சேவை முடிந்ததை நினைத்து லிஸ் ஆச்சரியப்பட்டு, இதைப் போன்ற வசதி வேறெங்கும் பார்த்ததில்லை என்று கூறியுள்ளார்.
View this post on Instagram
“>
அமெரிக்கா போன்ற நாடுகளுடன் ஒப்பிடும்போது, இந்தியாவில் மருத்துவச் செலவு குறைவு மட்டுமல்லாமல், இத்தகைய வசதிகளும் எளிதாகக் கிடைப்பது உண்மையில் வியக்கத்தக்கது என்று அவர் பாராட்டியுள்ளார்.
சமூக வலைதளங்களில் வைரலாகி வரும் இந்த வீடியோவிற்கு, “உண்மையிலேயே இதுதான் இந்தியா”, “முதியவர்களுக்கும் கர்ப்பிணிகளுக்கும் இது ஒரு வரப்பிரசாதம்” எனப் பலரும் தங்களது கருத்துகளைப் பகிர்ந்து வருகின்றனர்.
