மத்திய பிரதேச மாநிலத்தில் உள்ள ஒரு பகுதியில் தனியார் சுரங்கத்தில் கூலி வேலை செய்து வரும் ராஜு என்ற ஏழை பழங்குடி தொழிலாளிக்கு 11 கேரட் 19 சென்ட் எடையுள்ள, சுமார் 30 லட்சம் ரூபாய்க்கும் அதி மதிப்புள்ள வைரம் கிடைத்துள்ள சம்பவம் ஒட்டுமொத்தப் பகுதியிலும் அதிர்ச்சியை ஏற்படுத்தியுள்ளது.
வழக்கம்போல தனது குத்தகை சுரங்கத்தில் மண்ணைத் தோண்டிக் கொண்டிருந்தபோது தற்செயலாக மின்னிய கல்லைக் கண்டு சந்தேகமடைந்து சுத்தம் செய்தபோது, அது விலைமதிப்பற்ற அசல் வைரம் எனத் தெரிந்ததும் மகிழ்ச்சியில் துள்ளிய ராஜு, அதனை உடனடியாகப் வைர அலுவலகத்தில் கொண்டு சென்று அதிகாரிகளிடம் ஒப்படைத்துள்ளார்.
பல ஆண்டுகளாக வைரத்தைத் தேடி வந்த தனது கடின உழைப்புக்குக் கிடைத்த இந்த ஏலத் தொகையின் மூலம் தனது பிள்ளைகளைப் படிக்க வைத்து, சொந்தமாக ஒரு வீடு கட்டுவேன் எனத் தொழிலாளி ராஜு நெகிழ்ச்சியுடன் தெரிவித்துள்ள நிலையில், அரசு விதிகளின்படி இந்த வைரம் ஏலம் விடப்பட்டு, அதிலிருந்து ராயல்டி மற்றும் வரித் தொகையைக் கழித்துக் கொண்டு மீதிப் பணம் முழுவதும் ராஜுவிடமே ஒப்படைக்கப்படும் என அதிகாரிகள் தெரிவித்தது நெஞ்சை உலுக்கும் நெகிழ்ச்சியை ஏற்படுத்தியுள்ளது.
