ராஜஸ்தான் மாநிலம் ஜெய்ப்பூரில், தனது சகோதரி குறித்து அவதூறாகப் பேசியதற்காக 10 வயது சிறுவனை அவனது நண்பர்களான 11 மற்றும் 12 வயதுடைய மூன்று சிறுவர்கள் தலை துண்டித்துக் கொடூரமாகக் கொலை செய்த அதிர்ச்சிச் சம்பவம் அரங்கேறியுள்ளது. இந்த கொடூரக் கொலைச் சம்பவம் தொடர்பாக வழக்குப் பதிவு செய்த காவல்துறையினர், குற்றஞ்சாட்டப்பட்ட மூன்று சிறுவர்களையும் கைது செய்துள்ளனர். சிறுவர்களுக்கிடையே ஏற்பட்ட தகராறில் இத்தகைய விபரீதக் கொலை நடந்துள்ளது அப்பகுதியில் பெரும் பரபரப்பையும், அதிர்ச்சியையும் ஏற்படுத்தியுள்ளது.

காவல்துறையினரின் முதற்கட்ட விசாரணையில், உயிரிழந்த சிறுவன் குற்றஞ்சாட்டப்பட்ட சிறுவர்களில் ஒருவனின் சகோதரி குறித்து தவறான கருத்துக்களைக் கூறியதாகத் தெரிகிறது. இதனால் ஆத்திரமடைந்த அந்த சிறுவன், தனது மற்ற இரு நண்பர்களுடன் சேர்ந்து இக்கொலைத் திட்டத்தைத் தீட்டியுள்ளான். விளையாட அழைப்பது போல் அச்சிறுவனைத் தனியாக அழைத்துச் சென்று, இந்த விபரீதச் செயலை முடித்துள்ளனர். இச்சம்பவம் குறித்து தீவிர விசாரணை மேற்கொண்டு வரும் காவல்துறையினர், கைது செய்யப்பட்ட சிறுவர்களைக் கூர்நோக்கு இல்லத்திற்கு அனுப்ப நடவடிக்கை எடுத்து வருகின்றனர்.