ஒடிசா மாநிலத்தில் பக்கவாதத்தால் பாதிக்கப்பட்டு உடல் நலம் குன்றிய கிருஷ்ணசந்திரா என்ற முதியவருக்கு நேர்ந்த கொடூர சம்பவம் ஒட்டுமொத்த தேசத்தையும் உலுக்கியுள்ளது. அவர் வீட்டில் நாற்காலியில் அமர்ந்திருந்த போது, அங்கு வந்த ஒரு மாபெரும் பாம்பு, முதியவரின் இரு கைகளையும் நாற்காலியோடு சேர்த்து இறுக்கமாகச் சுற்றிக்கொண்டு பின்னிப் பிணைந்துள்ளது. பக்கவாத நோயால் உடலை அசைக்கவோ, சத்தம் போட்டு யாரையும் அழைக்கவோ முடியாத நிலையில், அந்த முதியவர் செய்வதறியாது பாம்பின் மரணப் பிடிக்குள் சிக்கியுள்ளார்.

​கிட்டத்தட்ட 4 மணி நேரத்திற்கும் மேலாக அந்த நச்சுப் பாம்பு முதியவரின் கைகளை விட்டு விலகாமல் இறுக்கிய நிலையில், அவர் கடுமையான வலியில் நரக வேதனையை அனுபவித்துள்ளார். 4 மணி நேரப் போராட்டத்திற்குப் பிறகு, யாரும் எதிர்பாராத விதமாக அந்த பாம்பு தானாகவே தனது பிடியைத் தளர்த்திக் கொண்டு அங்கிருந்து நகர்ந்ததால், முதியவர் நூலிழையில் உயிர் பிழைத்தார். பார்ப்பவர்களையே அச்சுறுத்தும் இந்த கொடூர சம்பவம் தற்போது இணையத்தில் பெரும் பரபரப்பை ஏற்படுத்தியுள்ளது.