தமிழகத்தில் நாளை 10-ஆம் வகுப்பு பொதுத்தேர்வு முடிவுகள் வெளியாக உள்ள நிலையில், தேர்வு முடிவுகள் குறித்த மாணவர்களின் பயம் மற்றும் பதற்றத்தைப் போக்க தமிழக அரசு மிக முக்கியமான அதிரடி அறிவிப்பு ஒன்றை வெளியிட்டுள்ளது.

தேர்வு முடிவுகளால் ஏற்படும் மன அழுத்தத்தைக் கையாள்வதற்கும், சரியான வழிகாட்டுதல்களைப் பெறுவதற்கும் மாணவர்கள் மற்றும் பெற்றோர்கள் எவ்வித தயக்கமுமின்றி ‘14416’ மற்றும் ‘104’ ஆகிய எண்களைத் தொடர்பு கொள்ளலாம் எனத் தெரிவிக்கப்பட்டுள்ளது. இந்த எண்களைத் தொடர்பு கொள்ளும் போது, மாணவர்களுக்குத் தேவையான ஆலோசனைகளையும் மன ரீதியான தைரியத்தையும் வழங்குவதற்காகத் பிரத்யேக மனநல நிபுணர்கள் தயார் நிலையில் இருப்பார்கள் என்று தமிழக அரசு திட்டவட்டமாகக் கூறியுள்ளது.

மதிப்பெண்கள் மட்டுமே வாழ்க்கையைத் தீர்மானிப்பதில்லை என்பதால், மாணவர்கள் எந்தவொரு தவறான முடிவையும் எடுக்காமல் தடுக்கவும், அவர்களுக்குப் பக்கபலமாக இருக்கவும் அரசு எடுத்துள்ள இந்த நல்லெண்ண விழிப்புணர்வு நடவடிக்கை ஒட்டுமொத்த மக்கள் மத்தியிலும் பெரும் வரவேற்பைப் பெற்றுள்ளது.