தமிழகச் சட்டமன்றத் தேர்தல் 2026-ன் முடிவுகளில் தமிழக வெற்றிக் கழகம் (தவெக) மற்றும் அதன் தலைவர் விஜய் அவர்கள் பெற்றுள்ள இமாலய வெற்றியைத் தொடர்ந்து, திரையுலகைச் சேர்ந்த பல முன்னணி நட்சத்திரங்கள் தங்களது வாழ்த்துகளைத் தெரிவித்து வருகின்றனர். நடிகர் சூர்யா தனது பதிவில், “நண்பர் விஜய் மீது தமிழ்நாடு பெரிய நம்பிக்கை வைத்துள்ளது. தமிழக அரசியலில் புதிய அத்தியாயத்தைத் தொடங்கவிருக்கும் அவருக்கு என் மனப்பூர்வமான வாழ்த்துகள்” எனக் குறிப்பிட்டுள்ளார்.

​நடிகர் சிலம்பரசன் TR, “வரலாறு தானாக நடக்கவில்லை, அது அதற்கான தருணத்தைத் தேர்ந்தெடுத்துள்ளது. உங்களைப் பார்த்துப் பெருமைப்படுகிறேன் அண்ணா” என்று கூறி “மக்கள் தீர்ப்பே மகேசன் தீர்ப்பு” எனப் பதிவிட்டுள்ளார். மேலும், தெலுங்குத் திரையுலகின் முன்னணி நட்சத்திரம் மகேஷ் பாபு, “விஜய்யின் இந்த வெற்றி மக்களின் நம்பிக்கையைப் பிரதிபலிக்கிறது. இது தமிழகத்தின் முன்னேற்றத்திற்கு வழிவகுக்கும்” எனப் பாராட்டியுள்ளார். திரைத்துறையினரின் இந்தத் தொடர் வாழ்த்துகள், விஜய்யின் அரசியல் வருகைக்கான மிகப்பெரிய அங்கீகாரமாகப் பார்க்கப்படுகிறது.