ஐபிஎல் தொடரில் குஜராத் டைட்டன்ஸ் அணிக்கு எதிரான போட்டியில் ராயல் சேலஞ்சர்ஸ் பெங்களூரு (RCB) அணி 5 விக்கெட் வித்தியாசத்தில் அபார வெற்றி பெற்றது. இந்த வெற்றியை மைதானத்தில் இருந்தவாறு விராட் கோலியின் மனைவி அனுஷ்கா சர்மா உற்சாகமாகக் கொண்டாடிய வீடியோக்கள் இணையத்தில் வைரலாகி வருகின்றன.
முதலில் பேட்டிங் செய்த குஜராத் அணி, சாய் சுதர்சனின் அதிரடி சதத்தால் 205 ரன்கள் குவித்தது. கடினமான இலக்கை நோக்கி விளையாடிய ஆர்சிபி அணியில், ‘ரன் மெஷின்’ விராட் கோலி தொடக்கம் முதலே அதிரடி காட்டினார். அவர் 81 ரன்கள் குவித்து அணியின் வெற்றியை உறுதி செய்தார். இவருக்குத் துணையாக தேவ்தத் படிக்கல் 55 ரன்கள் சேர்த்தார்.
வழக்கம்போல ஆர்சிபி அணியை உற்சாகப்படுத்த ஸ்டேடியத்திற்கு வந்திருந்த பாலிவுட் நடிகை அனுஷ்கா சர்மா, கோலி அடித்த ஒவ்வொரு பவுண்டரி மற்றும் சிக்ஸருக்கும் எழுந்து நின்று ஆரவாரம் செய்தார். குறிப்பாக, கோலி ஒரு பிரம்மாண்ட சிக்ஸர் அடித்தபோது, அனுஷ்கா இருக்கையை விட்டு எழுந்து இரு கைகளையும் உயர்த்தி நடனமாடி தனது மகிழ்ச்சியை வெளிப்படுத்தினார்.
அனுஷ்காவின் இந்த எதார்த்தமான ரியாக்ஷன்கள் தற்போது சமூக வலைதளங்களில் ‘ட்ரெண்டிங்’ ஆகி வருகின்றன. ரசிகர்கள் “ஆர்சிபி-யின் லக்கி சார்ம் (Lucky Charm) அனுஷ்கா” எனப் பாராட்டி வருகின்றனர்.இந்தப் போட்டியில் வென்றதன் மூலம், விளையாடிய 7 போட்டிகளில் 5-இல் வெற்றி பெற்றுள்ள பெங்களூரு அணி, புள்ளிப்பட்டியலில் 2-ஆவது இடத்திற்கு முன்னேறி அசத்தியுள்ளது.
View this post on Instagram
