மருத்துவ உலகையே அதிரவைத்த 1988-ஆம் ஆண்டின் ஒரு “விசித்திரமான” மருத்துவ வழக்கு, தற்போது சமூக ஊடகங்கள் வாயிலாக மீண்டும் வெளிச்சத்திற்கு வந்து பெரும் விவாதத்தை ஏற்படுத்தியுள்ளது.
15 வயது சிறுமி ஒருவர் பாரம்பரியமான உடலுறவு ஏதுமின்றி ‘வாய்வழிப் பாலுறவுக்கு’ பிறகு கர்ப்பமானதாகக் கூறப்படும் இந்தச் சம்பவம், உயிரியல் ரீதியாக சாத்தியமற்றது எனத் தோன்றினாலும், அதன் பின்னணியில் இருந்த அதிர்ச்சிகரமான காரணங்களை மகப்பேறு மருத்துவர் அங்கிதா ஷாஹாசானே விளக்கியுள்ளார்.
அந்தச் சிறுமிக்கு பிறப்புறுப்புப் பாதை இயற்கையிலேயே மூடப்பட்டிருந்த நிலையில் (Vaginal Atresia), அவருக்குக் கடுமையான வயிற்று வலி ஏற்பட்டபோது பரிசோதித்த மருத்துவர்கள், அவர் கர்ப்பமாக இருப்பதைக் கண்டு உறைந்து போயினர்.
இந்த விசித்திரமான கருத்தரிப்புக்குக் காரணம் ஒரு வன்முறைச் சம்பவம் என்பது விசாரணையில் தெரியவந்தது. ஒன்பது மாதங்களுக்கு முன்பு, அந்தச் சிறுமி வாய்வழிப் பாலுறவில் ஈடுபட்ட சில நிமிடங்களிலேயே ஒரு கத்திச் சண்டையில் சிக்கியுள்ளார். அப்போது அவரது வயிற்றில் ஏற்பட்ட கத்திக்குத்துக் காயங்கள், இரைப்பைக்கும் இனப்பெருக்க மண்டலத்திற்கும் இடையே ஒரு தற்காலிகத் துளையை (Connection) உருவாக்கியுள்ளன.
View this post on Instagram
“>
உமிழ்நீரில் அமிலத்தன்மை குறைவாக இருந்ததாலும், சிறுமி வெறும் வயிற்றில் இருந்ததாலும் சிதையாமல் இருந்த விந்தணுக்கள், வயிற்றுக் காயம் வழியாகக் கசிந்து அடிவயிற்றுப் பகுதிக்குள் புகுந்து சினைப்பைகளைச் சென்றடைந்துள்ளன. அந்தத் துல்லியமான நேரத்தில் அண்டவிடுப்பும் (Ovulation) நடந்திருந்ததால், இந்த அரிய நிகழ்வு அரங்கேறியுள்ளது.
இறுதியில் அந்தச் சிறுமிக்குச் சிசேரியன் அறுவை சிகிச்சை மூலம் குழந்தை பிறந்தது. இது குறித்து விளக்கிய நிபுணர்கள், இது பல தற்செயலான நிகழ்வுகள் ஒரே நேரத்தில் நடந்ததால் ஏற்பட்ட ஒரு தனிப்பட்ட மருத்துவ வழக்கு என்றும், சாதாரணச் சூழ்நிலைகளில் வாய்வழிப் பாலுறவால் ஒருபோதும் கர்ப்பம் ஏற்படாது என்றும் தெளிவுபடுத்தியுள்ளனர்.
செரிமான மண்டலமும் இனப்பெருக்க மண்டலமும் தனித்தனியானவை என்பதால், உடற்கூறியல் ரீதியாகக் கத்திக்குத்துக் காயம் போன்ற ஒரு பாலம் இல்லாமல் இது சாத்தியமில்லை என அவர்கள் எச்சரித்துள்ளனர். மருத்துவ வரலாற்றின் ஒரு விசித்திரமான பக்கமாகத் திகழும் இந்தச் சம்பவம், பாலியல் கல்வி குறித்த விழிப்புணர்வின் அவசியத்தை மீண்டும் ஒருமுறை வலியுறுத்தியுள்ளது.
