அதிமுகவின் முக்கிய முகங்களில் ஒருவரான முன்னாள் அமைச்சர் டி.ஜெயக்குமார், கடந்த சில மாதங்களாகப் பொதுவெளியில் அதிகம் தென்படாமல் இருந்தது அரசியல் வட்டாரத்தில் பல்வேறு ஊகங்களை எழுப்பியது. அவர் அதிமுகவிலிருந்து விலகி மாற்றுக்கட்சியில் இணையப் போவதாகத் தகவல்கள் பரவிய நிலையில், அதற்கு அவர் தற்போது முற்றுப்புள்ளி வைத்துள்ளார். தனது உயிர் உள்ளவரை அதிமுகவிலேயே நீடிப்பேன் என்றும், கட்சி மாறப்போவதாக வெளியான செய்திகள் முற்றிலும் வதந்திகள் என்றும் அவர் உறுதிபடத் தெரிவித்துள்ளார்.

​மேலும், வரும் 2026 சட்டமன்றத் தேர்தலில் அவர் தனது நிரந்தரத் தொகுதியான ராயபுரத்திலிருந்து மாறி வேறு தொகுதியில் போட்டியிடப் போவதாகப் பரவிய தகவலையும் அவர் திட்டவட்டமாக மறுத்துள்ளார். தொகுதி மாறுவது குறித்து வெளியான செய்திகளில் உண்மையில்லை எனத் தெளிவுபடுத்தியுள்ள அவர், வழக்கம்போல ராயபுரம் தொகுதியிலேயே தனது தேர்தல் பணிகளைத் தொடரப்போவதைச் சுட்டிக்காட்டியுள்ளார். ஜெயக்குமாரின் இந்தத் அதிரடி விளக்கம், அவர் குறித்த வதந்திகளுக்கு முற்றுப்புள்ளி வைத்ததுடன் அதிமுக தொண்டர்களிடையே உற்சாகத்தை ஏற்படுத்தியுள்ளது.