பிக் பாஸ் சீசன் 9 நிகழ்ச்சி தற்போது விறுவிறுப்பான கட்டத்தை எட்டியுள்ள நிலையில், போட்டியாளர் சாண்ட்ராவிடம் தகாத முறையில் நடந்து கொண்ட கம்ருதீன் மற்றும் பார்வதி ஆகிய இருவருக்கும் மக்கள் செல்வன் விஜய் சேதுபதி அதிரடியாக ‘ரெட் கார்டு’ கொடுத்து வெளியேற்றினார். இவர்களின் அநாகரீகமான செயல்பாடுகளால் அதிருப்தியில் இருந்த ரசிகர்களுக்கு, இந்தச் செய்தி பெரும் ஆச்சரியத்தையும் எல்லையற்ற மகிழ்ச்சியையும் அளித்துள்ளது. தொகுப்பாளராக விஜய் சேதுபதியின் இந்தத் துணிச்சலான முடிவு, பெண்களுக்குப் பாதுகாப்பு மற்றும் கண்ணியமான நடத்தையை உறுதி செய்யும் வகையில் அமைந்திருப்பதாகப் பலரும் சமூக வலைதளங்களில் பாராட்டி வருகின்றனர்.
இந்த மகிழ்ச்சியை நெட்டிசன்கள் வெறும் பதிவுகளாக மட்டும் பகிராமல், ஒரு படி மேலே சென்று நிஜ வாழ்க்கையில் கொண்டாடித் தீர்த்து வருகின்றனர். குறிப்பாக, இணையத்தில் வைரலாகி வரும் வீடியோ ஒன்றில், தொலைக்காட்சியில் விஜய் சேதுபதி ரெட் கார்டு காட்டிய அந்த நொடியில், ஒரு தந்தை தனது மகளுடன் சேர்ந்து உற்சாகமாகக் கத்தி மகிழ்ச்சியை வெளிப்படுத்துகிறார். அதுமட்டுமன்றி, கம்ருதீன் மற்றும் பார்வதி வெளியேற்றப்பட்டதை ஒரு குடும்பமே கேக் வெட்டிக் கொண்டாடும் காட்சி பார்ப்பவர்களை வியப்பில் ஆழ்த்தியுள்ளது. ஒரு ரியாலிட்டி ஷோவில் நடக்கும் வெளியேற்றம், ஒரு குடும்பத்தின் விழாவாக மாறும் அளவுக்கு மக்கள் அந்தப் போட்டியாளர்கள் மீது கோபத்தில் இருந்ததை இந்த வீடியோ அப்பட்டமாகத் காட்டுகிறது.
View this post on Instagram
