கரூர் மாவட்ட காங்கிரஸில் நிலவி வரும் உட்கட்சிப் பூசல்கள் குறித்து, தமிழக காங்கிரஸ் கமிட்டித் தலைவர் செல்வப்பெருந்தகை தனது கருத்துக்களை வெளிப்படையாகப் பகிர்ந்துள்ளார். கரூரில் பிரச்சனை இருப்பது உண்மைதான் என்று ஒப்புக்கொண்ட அவர், அது தொடர்பாகத் தன்னால் இயன்ற நடவடிக்கைகளை ஏற்கனவே எடுத்துள்ளதாகவும் தெரிவித்துள்ளார்.
இருப்பினும், ஜோதிமணி எம்.பி அவர்கள் கட்சி விவகாரங்களை உட்கட்சி மேடைகளில் பேசாமல், பொதுவெளியில் பொத்தாம் பொதுவாகக் குற்றம் சாட்டுவது தனக்கு மிகுந்த அதிர்ச்சியைத் தருவதாக செல்வப்பெருந்தகை கூறியுள்ளார். தனது அதிகாரத்திற்கு உட்பட்டே தான் செயல்பட்டு வருவதாகவும், கட்சியின் கண்ணியத்தைக் காக்க அனைவரும் ஒத்துழைக்க வேண்டும் என்றும் அவர் வலியுறுத்தியுள்ளார்.
