ராஜஸ்தான் மாநிலம் கோட்டாவில் உள்ள புதிய மருத்துவக் கல்லூரி மருத்துவமனையின் அறுவை சிகிச்சை ஐசியூ-வில் (தீவிர சிகிச்சைப் பிரிவு) கடந்த சனிக்கிழமை மாலை 6 அடி நீளமுள்ள பாம்பு ஒன்று நுழைந்ததால், நோயாளிகள் மற்றும் ஊழியர்கள் மத்தியில் பெரும் பரபரப்பு ஏற்பட்டது.

ஐசியூ-வுக்குள் நுழைந்த அந்தப் பாம்பு, நர்சிங் ஊழியர்களின் அறைகள் வழியாகச் சென்று, மருந்து அட்டைப் பெட்டிகளுக்குள் மறைந்து கொண்டது. அச்சமயத்தில் ஐசியூ-வில் நோயாளிகளும் இருந்ததால், நிலைமை பதட்டமானது. உடனடியாக வரவழைக்கப்பட்ட பாம்பு பிடிப்பவர் கோவிந்த் சர்மா, சுமார் 10 நிமிட முயற்சிக்குப் பிறகு விஷமற்ற தமன் (Rat Snake) வகையைச் சேர்ந்த அந்தப் பாம்பை வெற்றிகரமாக மீட்டார்.

“>

 

ஸ்டோர் ரூமின் பின்புறத்தில் உள்ள ஜன்னல் வழியாகவே பாம்பு உள்ளே நுழைந்திருக்கக்கூடும் என்று கூறப்பட்ட நிலையில், எதிர்காலத்தில் இது போன்ற சம்பவங்கள் நடக்காமல் இருக்க மருத்துவமனை நிர்வாகம் தற்போது பாதுகாப்பு நடவடிக்கைகளை மேற்கொண்டு வருகிறது.