சமூக வலைதளங்களில் ஒரு நெகிழ்ச்சியான வீடியோ வெளியாகி, இணையவாசிகளைத் தன்னை மீண்டும் மீண்டும் பார்க்கத் தூண்டியுள்ளது. சினிமா ரொமான்ஸ் கதை போல் காட்சி தரும் இந்த வீடியோவின் ஹீரோவும், ஹீரோயினும் மனிதர்கள் அல்ல; ஒரு சின்ன நாய்க்குட்டியும், ஒரு பூனைக்குட்டியும் தான். இவை இரண்டுக்கும் இடையேயான பாசமான நட்பு தான் இந்த வீடியோவின் சிறப்பு.
வீடியோவில், டோகேஷ் பாய் என்று செல்லமாக அழைக்கப்படும் நாய்க்குட்டி, தனது பூனைக் குட்டிச் சிநேகிதி மீது அளவற்ற பாசத்தைக் காட்டுவதைக் கண்டு பார்வையாளர்கள் வியப்படைந்துள்ளனர். நாய்க்குட்டி அதன் தலையை மெதுவாகத் தடவுவது, கட்டிப்பிடிப்பது, பாசத்துடன் தொடுவது போன்ற செயல்களில் ஈடுபடுகிறது.
View this post on Instagram
பொதுவாகவே, திரைப்படங்கள், கார்ட்டூன்கள் மற்றும் கதைகளில் நாயும் பூனையும் எதிரும் புதிருமாகவே சித்தரிக்கப்படுவதுண்டு. ஆனால், உண்மையான நட்பு எந்த விதிகளையும் இனம் மற்றும் உருவ வேறுபாடுகளையும் மதிக்காது என்பதை இந்த வைரல் வீடியோ மாற்றியமைத்துள்ளது. நாய்க்குட்டியின் கண்களில் அதன் பாசம் தெளிவாகத் தெரிகிறது; அது பூனைக் குட்டியைத் தன்னுடன் பிரிய மனமின்றிப் பார்த்துக்கொண்டே இருக்கிறது. அதேசமயம், பூனைக்குட்டியும் எந்தவித அச்சமோ சங்கடமோ இன்றி, அந்தப் பாசத்தை உணர்ந்து, பதிலுக்கு அன்பைத் திரும்பச் செலுத்துகிறது.
பூனைக்குட்டியின் உடல் மொழி, நாய்க்குட்டியின் அருகில் தான் பாதுகாப்பாக இருப்பதாக உணர்வதைக் காட்டுகிறது. இனம் கடந்த இந்த உண்மையான பாசப் பிணைப்பு தான், இந்த வீடியோவை மேலும் சிறப்புமிக்கதாக மாற்றியுள்ளது. இந்த வீடியோவை லட்சக்கணக்கானோர் பார்த்து மகிழ்ச்சியுடனும், “இந்த உறவு இனிமையானது மட்டுமல்ல, மிகவும் மென்மையானது” என்றும் சுவாரஸ்யமான கருத்துகளைப் பதிவிட்டு வருகின்றனர்.
