மலைப்பாம்புகள் விஷமற்றவையாக இருந்தாலும், அவற்றின் வலிமை மற்றும் வேட்டையாடும் திறன் காரணமாக உலகின் மிக ஆபத்தான பாம்புகளில் ஒன்றாகக் கருதப்படுகின்றன. தற்போது, ஒரு மலைப்பாம்பு தனது இரையை விட மறுக்கும் அதிர்ச்சியூட்டும் காட்சி சமூக ஊடகங்களில் வைரலாகி வருகிறது.

இந்த 55 வினாடி வீடியோவை “@BhaiWriter3750” என்ற பயனர் எக்ஸில் பகிர்ந்துள்ளார். அதில், “ஒரு மிகப் பெரிய மலைப்பாம்பு எதையோ பிடித்துக் கொண்டது; மீட்புக் குழு அதை விடுவிக்க முயற்சிக்கிறது. அனைவரும் ஜாக்கிரதையாக இருக்க வேண்டும்” என குறிப்பிட்டுள்ளார்.

 

வீடியோவில், பெரும் மலைப்பாம்பு தனது இரையை மிகவும் வலிமையாகச் பிடித்திருக்கிறது. தண்ணீர் தெளித்தும், குச்சியால் தள்ளியும், பலமுறை முயற்சி செய்தும் மீட்புக் குழுவினர் அதை விடுவிக்க முடியவில்லை. அருகில் இருந்த ஒரு போலீஸ் அதிகாரியும் தன்னால் இயன்ற உதவியை செய்தார், ஆனால் பாம்பின் பிடி தளரவில்லை.

மலைப்பாம்புகள் பொதுவாக தசைகளால் இரையைச் சுரண்டி நெரித்து கொல்வதற்குப் பெயர் பெற்றவை. அவற்றின் பிடி மிக வலிமையானதால், இரை உயிர் பிழைப்பது அரிது.

இக்காணொளி வெளியான சில மணி நேரங்களுக்குள் 1.5 லட்சம் முறை பார்க்கப்பட்டு, பல்வேறு எதிர்வினைகள் பெற்றுள்ளது. ஒரு சமூக வலைதளப் பயனர், “இவ்வளவு பெரிய மலைப்பாம்பை நேரில் காண்பதே பயமுறுத்துகிறது; மீட்புக் குழுவின் தைரியம் பாராட்டத்தக்கது,” என பதிவிட்டுள்ளார். மற்றொருவர், “இந்த காட்சி சிலிர்க்க வைக்கும் அளவுக்கு பயங்கரமாக உள்ளது,” எனக் குறிப்பிட்டுள்ளார்.

மேலும் இயற்கையின் வலிமையையும் அதன் ஆபத்தையும் நினைவூட்டும் இந்தக் காணொளி தற்போது இணையத்தில் பரவலாகப் பகிரப்பட்டு வருகிறது.