சமூக வலைதளங்களில் தற்போது ஒரு நாயின் வீடியோ தீவிரமாக வைரலாகி வருகிறது. 10 விநாடிகள் ஓடும் அந்த வீடியோவில், ஒரு நாய் அறையில் உட்கார்ந்திருக்கிறது. அப்போது பிளக் ஸொக்கெட்டில் ஷார்ட் சர்க்யூட் ஏற்பட்டு சிறிய தீப்பற்றுதல் காட்சியளிக்கிறது. அதை கவனித்த நாய், தனது காலால் பிளக் கம்பிகளை வெளியே இழுத்து தீ விபத்தைக் கட்டுப்படுத்தியது போல காட்டப்படுகிறது.
— Photographer (@photo5065) October 13, 2025
“நாய் மிகவும் புத்திசாலி… இது போலித் தீ விபத்தை முறியடித்தது!” என நெட்டிசன்கள் பாராட்டும் வகையில் அந்த வீடியோ வைரலாகி வருகிறது. ஆனால், இந்த வீடியோ உண்மை அல்ல என்பதற்கான தகவல்கள் தற்போது வெளியாகி உள்ளன. கைவிட முடியாத அளவுக்கு இயற்கையாக உருவாக்கப்பட்டுள்ள இந்த வீடியோ, உண்மையில் ஏ.ஐ. தொழில்நுட்பத்தின் மூலம் உருவாக்கப்பட்டது என நிபுணர்கள் உறுதி செய்துள்ளனர்.
WasitAI, AIorNot போன்ற ஏ.ஐ. கண்டறியும் கருவிகள் மூலம் அந்த வீடியோவின் பல கீ-ஃபிரேம்கள் அலசப்பட்டதில், அது முழுக்க முழுக்க ஏ.ஐ. உதவியுடன் உருவாக்கப்பட்டது என்பது தெரியவந்துள்ளது. சில காட்சிகளில் கம்பிகள் தெளிவாக இல்லாமை, இயற்கையற்ற இயக்கங்கள் போன்றவை ஏ.ஐ. புகைப்படங்களில் எப்போதும் காணப்படும் பொதுவான குறைபாடுகள்.
இந்த வகை போலியான வீடியோக்கள் மக்கள் மத்தியில் தவறான விழிப்புணர்வை ஏற்படுத்தும் அபாயம் உள்ளது. வனவிலங்குகள், அல்லது செல்லப்பிராணிகள் பற்றிய தவறான எண்ணங்களை விதைக்கக் கூடும். குறிப்பாக, குட்டிப் பிள்ளைகளோடு வீட்டில் வளர்க்கப்படும் செல்லப்பிராணிகள், சாக்கெட் மற்றும் மின்கம்பிகளை வழக்கமாக கடிக்கக்கூடிய அபாயம் அதிகம்.
இது ஆபத்தான மின் அதிர்வு, தீ விபத்து போன்ற பலத்த விளைவுகளை ஏற்படுத்தக்கூடும். எனவே, சமூக வலைதளங்களில் வேகமாக பரவுகின்ற வீடியோக்களை உண்மையென நம்புவதற்கு முன் நன்கு ஆய்வு செய்ய வேண்டியது அவசியம்.
